影片
更多
2020-06-25
163 浏览
好朋友話最近船街果邊開左間新餐廳想試下, 於是今晚係銅鑼灣行完街之後就去左食, 餐廳位於船街嘅盡頭, 比起前半段人流較少較寧靜，一入去感覺好有歐式小店嘅感覺😯, 樓上仲有一d特別嘅擺設可以比客人打卡📸, 老闆好好客咁問我地想自己揀定由佢地介紹，我地e d選擇困難症嘅當然相信老闆嘅推介啦😆Blowfish Cabernet Merlot 2017🍷產自南澳洲嘅紅酒, 入口帶有淡淡嘅黑莓果香, 清新自然, 中段係微澀帶點辛口嘅感覺, 餘韻帶微酸香豆檸檬麵包🍞麵包🍞帶有微微嘅小麥香氣, 硬度適中而最特別之處係塊牛油🤗, 牛油用左tonka beans, 檸檬皮🍋同海鹽🧂而整成嘅特製牛油, 係香港好少有得食!牛油口感好順滑, 溫度岩岩好🌡, tonka beans獨特又濃郁嘅香味加埋檸檬皮嘅清新, 第一次食到色香味俱全嘅頭盤麵包🍞 Cheesy Mushroom🍄🥣E個餐湯有別於平時飲嘅磨菇湯, 佢係用左4種唔同嘅磨菇所以菇味超級濃, 質感濃稠, 將面層嘅橄欖油推開, 口感更順滑, 水同菇嘅比例融合得好好, 味道十分細膩, 入面仲有少少嘅磨菇粒☺️! 好多時磨菇湯飲一兩啖就會好快帶比人一種好膩嘅
Blowfish Cabernet Merlot 2017🍷
產自南澳洲嘅紅酒, 入口帶有淡淡嘅黑莓果香, 清新自然, 中段係微澀帶點辛口嘅感覺, 餘韻帶微酸
香豆檸檬麵包🍞
麵包🍞帶有微微嘅小麥香氣, 硬度適中而最特別之處係塊牛油🤗, 牛油用左tonka beans, 檸檬皮🍋同海鹽🧂而整成嘅特製牛油, 係香港好少有得食!牛油口感好順滑, 溫度岩岩好🌡, tonka beans獨特又濃郁嘅香味加埋檸檬皮嘅清新, 第一次食到色香味俱全嘅頭盤麵包🍞
Cheesy Mushroom🍄🥣
E個餐湯有別於平時飲嘅磨菇湯, 佢係用左4種唔同嘅磨菇所以菇味超級濃, 質感濃稠, 將面層嘅橄欖油推開, 口感更順滑, 水同菇嘅比例融合得好好, 味道十分細膩, 入面仲有少少嘅磨菇粒☺️! 好多時磨菇湯飲一兩啖就會好快帶比人一種好膩嘅感覺, 但E個無仲令平時麻麻地磨菇湯嘅人都不自覺係咁飲, 推介😋!
Saled-Beet and Cheese Salad🥗
沙律除左用紅菜頭仲用左平時較為少見嘅黃菜頭, 經自家腌製過嘅兩款菜頭口感爽脆帶微酸，非常開胃!芝士🧀份量岩岩好唔會搶左紅黃菜頭嘅風頭🤔! 入面仲有唔同嘅果仁令口感提昇😊
Fish Papillote🐟
上菜時老闆特意將隻碟轉一轉方向叫我地由右邊食到左邊🤔! Fish Papillote(紙包魚)係法國嘅一種傳統菜, 做法介乎於烤同蒸之間, 相比直接蒸更能夠保存食物嘅原汁原味😋!
第一啖食落去首先會食到魚🐟, 香草🌱, 檸檬🍋同蔬果🥒🥕嘅鮮味, 魚肉質感比較鬆, 口感嫩滑☺️! 當食第二啖嘅時候, 魚味比第一啖更濃郁, 之後我地慢慢食到另一邊, 香草🌱同檸檬味🍋更出, 味道更有層次😋, 魚肉質感變得有嚼勁, 而鋪係底嘅翠玉瓜蘿蔔都帶有清新微酸嘅檸檬味, 吸埋魚嘅精華, 超級好味, 一條魚可以做到咁特別嘅變化, 非常有心機♥️, 極度推介😋👍🏻👍🏻!
🥩Steak and Egg🍳🍷
牛扒5成熟剛剛好小妹至愛😍，牛扒味道濃郁, 質感軟腍無筋, 咬落去油脂甘香, 鮮甜多汁😋! 配上雙蛋燒汁有種食緊burger🍔嘅感覺, 蛋汁融合係牛扒入面，肉質立刻帶出一種甜味, 配搭紅酒🍷又剛好化解左牛扒嘅油脂感! 除此之外仲有一個蕃茄蔬菜醬係底, 沾牛扒食就好似飲緊羅宋湯咁, 好特別嘅體驗😋! 驚喜🥳又點止咁少, 係碟嘅另一端放左個小小嘅芝士蓮藕批, 係由一片片薄切嘅蓮藕而成, 上面鋪滿左芝士🧀, 兩者味道又估唔到咁夾😯🤔! 蓮藕口感爽脆, 加埋芝士, 口感十分豐富!
Frozen Raspberry Splash
朱古力mousse嘅外表做得幾精緻, 上面用左焦糖薄脆同薄荷葉做點綴, 朱古力味相當濃郁但唔太甜, 質感厚實, 口感順滑唔黏口😋👍🏻
左邊係清新微酸嘅紅莓醬, 右邊係特濃朱古力醬🍫, 朱古力mousse配搭兩款醬嚟品嚐會帶比人有截然不同嘅感覺, 配上焦糖薄脆口腔會散發住甜甜嘅焦糖香, 而加埋薄荷葉又會變左好濃郁嘅薄荷朱古力味🌱🍫, 新鮮感十足, 極度推介😋👍🏻👍🏻!
總結:食物質素相當出色, 食材新鮮, 賣相精緻😊! 除左每道菜都做得好有心機之外, 最特別之處係每一道菜都有多重味覺享受, 能夠食出多個層次, 帶比客人滿滿嘅新鮮感同驚喜🥳👍🏻! 環境設計方面幾有情調同風格, 適合情侶, 姊妹淘, 兄弟幫或大班人聚會, 價錢唔貴, CP值極高, 老闆同店員都相當有善好客, 非常值得一試!😋👍🏻👍🏻
张贴
