影片
更多
2022-08-01
135 浏览
呢間香江花月係主打配搭新穎而且震撼味蕾嘅養生美顏火鍋湯底嘅火鍋店。佢哋除咗我哋今次去嘅佐敦店之外，仲新開咗一間喺荃灣廣場，方便港九新界各位邊爐友。而且佢哋唔係得打邊爐，仲有提供好似team lab嘅體驗房，有得食仲有得玩添！同埋佢哋嘅裝修風格都有種帶你穿越重回50年代的舊香港嘅感覺，令人感受到昔日五光十色的華洋風尚文化。日本牛乳玫瑰鍋：湯底一上就聞到好濃香嘅牛奶香味，而喺湯中有一個用木瓜做嘅花托，而上面就放咗有濃郁奶味同牛油香嘅牛奶冰所做成嘅玫瑰花，極具心思，賣相精緻。而開火煮滾，玫瑰會慢慢溶於湯中，令原本經已好濃奶香嘅湯底變得更濃，亦帶有作為花托嘅木瓜清甜清香。香江拼：喺一個全牛嘅拼盤，入面有8款不同部位嘅牛肉，分別係安格斯肥牛、手切肥牛、牛柳粒、牛心頂、牛脷、黑栢葉、牛小腿、牛白肉等，會用一個大圓盤以華麗嘅方式擺放。而我自己就鍾意安格斯肥牛，會將其卷成嘅玫瑰，油脂均勻，唔會太膩。而牛白肉以薄切處理，所以好快熟，口感爽脆，牛柳粒都肉味夠唒濃，亦有陣陣嘅油脂香，口感嫩滑，牛心頂非常之爽口，而其他嘅部位都好出色。七色餃：七種顏色嘅餃子，每種代表一款不同口味嘅餃子，黑色嘅蟹肉黑松露餃、紫色
呢間香江花月係主打配搭新穎而且震撼味蕾嘅養生美顏火鍋湯底嘅火鍋店。佢哋除咗我哋今次去嘅佐敦店之外，仲新開咗一間喺荃灣廣場，方便港九新界各位邊爐友。而且佢哋唔係得打邊爐，仲有提供好似team lab嘅體驗房，有得食仲有得玩添！同埋佢哋嘅裝修風格都有種帶你穿越重回50年代的舊香港嘅感覺，令人感受到昔日五光十色的華洋風尚文化。
日本牛乳玫瑰鍋：湯底一上就聞到好濃香嘅牛奶香味，而喺湯中有一個用木瓜做嘅花托，而上面就放咗有濃郁奶味同牛油香嘅牛奶冰所做成嘅玫瑰花，極具心思，賣相精緻。而開火煮滾，玫瑰會慢慢溶於湯中，令原本經已好濃奶香嘅湯底變得更濃，亦帶有作為花托嘅木瓜清甜清香。
香江拼：喺一個全牛嘅拼盤，入面有8款不同部位嘅牛肉，分別係安格斯肥牛、手切肥牛、牛柳粒、牛心頂、牛脷、黑栢葉、牛小腿、牛白肉等，會用一個大圓盤以華麗嘅方式擺放。而我自己就鍾意安格斯肥牛，會將其卷成嘅玫瑰，油脂均勻，唔會太膩。而牛白肉以薄切處理，所以好快熟，口感爽脆，牛柳粒都肉味夠唒濃，亦有陣陣嘅油脂香，口感嫩滑，牛心頂非常之爽口，而其他嘅部位都好出色。
七色餃：
七種顏色嘅餃子，每種代表一款不同口味嘅餃子，黑色嘅蟹肉黑松露餃、紫色嘅和牛香莤餃
、綠色嘅蟲草花餃、橙色嘅金華火腿菜肉餃、黃色嘅午餐肉粟米餃、白色嘅姫松茸野菌餃同埋最顏色最突出嘅藍色冬菇薺菜餃。而我自己就最鍾意黑色嘅蟹肉黑松露餃，蟹肉同黑松露嘅味好夾，黑松露好突出到蟹肉嘅鮮味，令人一食上癮。
特飲：分別係桃花緣同埋鳳琉香，前者係桃味嘅乳酸梳打特飲，再加埋自家製嘅桃味啫喱，而後者鳳梨梳打特飲，好有熱帶風味，而兩杯都有一大特色，都係有夢幻般嘅煙燻氣泡，係好啱打卡影相。
张贴
