更多
2019-10-11
834 浏览
大家都知食铁板烧有几鬼贵！我仲记得20几年前我中咗皮几嘢马仔，同老婆大人走咗去食餐两千几银嘅铁板烧好开心！事过20年食铁板烧已经有好多得拣就连酒店都有唔少选择！呢次同老婆大人和朋友仔一齐去咗富豪机场酒店嘅空港居酒屋，大叹特叹超抵玩嘅铁板烧。老老豆豆我住东涌这20年都未嚟过富豪机场酒，原来有间咁有风情嘅居酒屋。我哋主要嚟食个8道菜加清酒嘅至醒之选铁板烧配清酒套餐，只要7嚿水一位差唔多半价咁滞好鬼抵食，钟意饮酒嘅我梗系开心啦，个餐包咗180ml清酒加埋老婆大人唔饮𠮶份已经有一枝清酒嘅份量，仲唔够喉可以加多88蚊无限劲饮指定日本清酒。我哋坐喺铁板吧边谈风月边欣赏大厨功架太享受喇。第一味系前菜三点！三款前菜系我like嘅胡麻毛茄，啱晒老婆大人酸微微嘅柚子萝白，同埋好有咬口嘅明太子沙津，三样都唔错期待第二个菜。第二样系自家制蟹肉忌廉饼，炸得好鬼松脆而且仲香喷喷添，食落又多蟹肉一啲都唔漏正呀喂。跟住喱碗热到烫嘅银鳕鱼洋葱汤真系好hot呀，放喺烧热嘅石窝入面饮到尾仲系热辣辣架，入面有件好似老婆大人咁滑嘟嘟嘅银鳕鱼肉，加埋甜味嘅洋葱饮落又鲜又甜好正架。喱个系松叶蟹甲罗烧，入面除咗有松叶蟹肉仲有老婆大人
老老豆豆我住东涌这20年都未嚟过富豪机场酒，原来有间咁有风情嘅居酒屋。
我哋主要嚟食个8道菜加清酒嘅至醒之选铁板烧配清酒套餐，只要7嚿水一位差唔多半价咁滞好鬼抵食，钟意饮酒嘅我梗系开心啦，个餐包咗180ml清酒加埋老婆大人唔饮𠮶份已经有一枝清酒嘅份量，仲唔够喉可以加多88蚊无限劲饮指定日本清酒。
我哋坐喺铁板吧边谈风月边欣赏大厨功架太享受喇。
第一味系前菜三点！三款前菜系我like嘅胡麻毛茄，啱晒老婆大人酸微微嘅柚子萝白，同埋好有咬口嘅明太子沙津，三样都唔错期待第二个菜。
第二样系自家制蟹肉忌廉饼，炸得好鬼松脆而且仲香喷喷添，食落又多蟹肉一啲都唔漏正呀喂。
跟住喱碗热到烫嘅银鳕鱼洋葱汤真系好hot呀，放喺烧热嘅石窝入面饮到尾仲系热辣辣架，入面有件好似老婆大人咁滑嘟嘟嘅银鳕鱼肉，加埋甜味嘅洋葱饮落又鲜又甜好正架。
喱个系松叶蟹甲罗烧，入面除咗有松叶蟹肉仲有老婆大人最冧嘅蟹膏，睇见佢食到嗒嗒声开心到呢减乜鬼嘢肥吖。
喱个时候师傅要炮制喱几只扎扎跳嘅龙虾喇！！
食材靓真系唔使多费调味！只用盐焗方法嚟烧龙虾已经够好味，一人有一只爽C。
到我like嘅牛肉喱个餐用美国安格斯牛柳，烧到香口半熟食落淋夹香加埋蒜片又点忍到口呀。
其实个餐份量唔细食埋牛柳已经有8成饱！加埋个大大碗嘅新鲜樱花虾温泉蛋乌冬就10成满足喇！成碗都系新鲜樱花虾加埋只温泉蛋食又香又滑，好鬼易就食哂一碗啦。
最后仲有十胜红豆云呢拿雪糕做甜品，喱个铁板烧套餐真系好鬼抵食，入开嚎嚟喱头记得揾我再食多餐啊！不过喱个优惠做到10月尾咋要食唔该快啲。
张贴
