23
2
5
电话号码
22866668
开饭介绍
空港居酒屋的鐵板燒、日式吉列菜式及空運新鮮刺身馳名。同時亦提供爐端燒、串燒、烏冬、壽司及天婦羅等佳餚，以及日本和其他國家的啤酒、日本清酒及特飲。客人可以在壽司，鐵板燒或天婦羅吧，欣賞廚師準備美味佳餚。餐廳有兩個貴賓房的私人活動或商務聚會。
继续阅读
附加资料
無肉餐單詳情: 每天供應少量素食菜式
营业时间
星期一至日
12:00 - 15:00
18:00 - 23:00
以上资料只供参考，请与餐厅确认详情
-
网上订座即将推出
相关文章
機場範圍內嘅高檔酒店居酒屋，lunch set都$2-300一個，一開始都有少少期望。點左個三文魚子魚生飯定食，定食配有沙律菜同明太子沙律、茶碗蒸、味增湯、主菜魚生飯、雪糕仲有水果，份量十足。茶碗蒸好好食，蛋好滑，調味剛好。魚生飯魚生都好新鮮，一啲都唔腥，食得出比左好多腩位附近嘅魚肉我，非常肥美。其餘嗰啲中規中矩，無咩特別，同行朋友點左熟食定食，據佢地黎講味道都唔錯。可惜我覺得性價比太低，一個定食計埋加一要$300，其實只係$200質素，富豪機場酒店樓上飲茶仲平過呢間，質素亦高啲，所以未必會再幫襯。
继续阅读
話說奧爾加去左機場慶生，同朋友去左間好新鮮既日式料理店食和食，味道同平時食既唔同，果然一分錢一分貨！個set lunch 味道好似去左日本食咁，蟹肉入口即溶，而至於綠茶雪糕都有驚喜！
继续阅读
近來晚上也被宵禁多少也打消出外晚膳的意慾！但我並不會因此而被打倒的，你有張良計、 我有過牆梯最多在區內揾吃，比我發現富豪機場酒店內的空港居酒屋推出了很優惠的至醒之選鐵板燒清酒配套餐，即時找東涌好友OT夫婦去大快朵頤。 至醒之選套餐共有8道菜配180ml清酒，如嗜杯中物更可另加＄88無限添飲指定日本清酒呢！而套餐收費只須＄698/位 (原價每位港幣＄1,288)，當中包括有多款海鮮及靚肉實在太優惠了吧！不過只供應到月尾咋！！ 空港居酒屋以鐵板燒、吉列及日本空運刺身為主打，這夜吃鐵板燒的我們當然安座於空間感十足可容納16位客人的鐵板吧位啦！ 其餘雅座亦十分舒適更有兩間廂房，都是充滿的日式風味挺有氣氛耶！ 安座於鐵板吧最受惠當然是可近距離跟大廚交流，另可看著食材由零到整的視覺真的很治癒喔！ 先由大廚送上前菜三點！當中有香滑的胡麻毛茄、醒胃的柚子蘿白、和口感豐富的明太子沙津，以輕盈的前菜將胃口狠狠的打開！ 接力的是自家製蟹肉忌廉餅，炸至香脆可口的蟹餅內藏梳梳蟹肉，配襯滑溜忌廉吃下香而不膩，令我輕易KO一整件罪過罪過！！ 緊接著是熱辣沸騰的銀鱈魚洋蔥湯，燒熱的石窩內有一大件銀鱈魚另配洋蔥作湯，西式的洋蔥湯常試但日式的好像首嚐挺期待耶！ 銀鱈魚是預期的鮮嫩迷人，但那口洋蔥湯夾雜鮮甜味於一身更為吸引，我又將之通通清掉呢！ 第三道菜是松葉蟹甲羅燒，蟹蓋除有滿滿的松葉蟹肉外，更混入了蟹膏令味道更鮮更香！配上卜卜脆的蟹子口感更豐富。 這一刻是我最期待的時候，因為有超生猛的花龍蝦吃喔！！ 大廚三扒兩撥的巳將新鮮生猛的花龍蝦清理好，連同美國安格斯牛柳一同上鐵板檯。 大廚以鹽焗方法來炮製龍蝦，優質的靚龍蝦放簡單以鹽焗方法已能帶出自然鮮味，加上龍蝦殼加熱後散發出誘人的香氣。 這道鹽焗龍蝦每人可擁有一隻太正了吧！新鮮的龍蝦肉烹至恰熟，吃下爽彈味道自然是鮮味冇得頂啦！！ 好友品嚐套餐中的美國安格斯牛柳肉，大廚貼心的為不吃牛的我無條件的換成黑豚肉卷，足見餐廳及大廚也非常靈活變通。 我的大蔥黑豚肉卷足有6件之多，很可惡的送上好友一人一件幫幫口嘻嘻！豚肉卷肉味很香濃絕對是靚貨，混合大蔥的香甜同吃滋味非常，不得不提那自家製的蒜片，炸得乾身吃下香口絕不黏牙，足以證明大廚的見微之著很讚喔！ 主食是櫻花蝦溫泉蛋烏冬，鋪滿全碗的櫻花蝦是新鮮貨，經酥炸過再放湯吃感乾貨是不可比媲的，將溫泉蛋刺破跟清甜的湯底混為一體，吃下更香更滑溜但實在太滿足我只能完成半碗便得收口！ 最後甜品是十勝紅豆雲呢拿雪糕，淋甜的十勝紅豆配香滑的雲呢拿雪糕這組合絕不會輸吧！
继续阅读
大家都知食鐵板燒有幾鬼貴！我仲記得20幾年前我中咗皮幾嘢馬仔，同老婆大人走咗去食餐兩千幾銀嘅鐵板燒好開心！事過20年食鐵板燒已經有好多得揀就連酒店都有唔少選擇！呢次同老婆大人和朋友仔一齊去咗富豪機場酒店嘅空港居酒屋，大嘆特嘆超抵玩嘅鐵板燒。老老豆豆我住東涌這20年都未嚟過富豪機場酒，原來有間咁有風情嘅居酒屋。我哋主要嚟食個8道菜加清酒嘅至醒之選鐵板燒配清酒套餐，只要7嚿水一位差唔多半價咁滯好鬼抵食，鍾意飲酒嘅我梗係開心啦，個餐包咗180ml清酒加埋老婆大人唔飲嗰份已經有一枝清酒嘅份量，仲唔夠喉可以加多88蚊無限勁飲指定日本清酒。我哋坐喺鐵板吧邊談風月邊欣賞大廚功架太享受喇。第一味係前菜三點！三款前菜係我like嘅胡麻毛茄，啱晒老婆大人酸微微嘅柚子蘿白，同埋好有咬口嘅明太子沙津，三樣都唔錯期待第二個菜。第二樣係自家製蟹肉忌廉餅，炸得好鬼鬆脆而且仲香噴噴添，食落又多蟹肉一啲都唔漏正呀喂。跟住喱碗熱到燙嘅銀鱈魚洋蔥湯真係好hot呀，放喺燒熱嘅石窩入面飲到尾仲係熱辣辣架，入面有件好似老婆大人咁滑嘟嘟嘅銀鱈魚肉，加埋甜味嘅洋蔥飲落又鮮又甜好正架。喱個係松葉蟹甲羅燒，入面除咗有松葉蟹肉仲有老婆大人最冧嘅蟹膏，睇見佢食到嗒嗒聲開心到呢減乜鬼嘢肥吖。喱個時候師傅要炮製喱幾隻扎扎跳嘅龍蝦喇！！食材靚真係唔使多費調味！只用鹽焗方法嚟燒龍蝦已經夠好味，一人有一隻爽C。到我like嘅牛肉喱個餐用美國安格斯牛柳，燒到香口半熟食落淋夾香加埋蒜片又點忍到口呀。 其實個餐份量唔細食埋牛柳已經有8成飽！加埋個大大碗嘅新鮮櫻花蝦溫泉蛋烏冬就10成滿足喇！成碗都係新鮮櫻花蝦加埋隻溫泉蛋食又香又滑，好鬼易就食哂一碗啦。最後仲有十勝紅豆雲呢拿雪糕做甜品，喱個鐵板燒套餐真係好鬼抵食，入開嚎嚟喱頭記得揾我再食多餐啊！不過喱個優惠做到10月尾咋要食唔該快啲。
继续阅读
有空港 雲層上滿星光 星星不知道我的怯慌 人間卻有殷切的眼光 仰望 我下降到空港, 除了搭機往別處, 也可以吃晚餐. 因為, 這裡是富豪機場酒店的空港居酒屋. 遠? 是有點遠, 但這麼超值的鐵板燒清酒配套餐, 八道菜連清酒賣價$698, 是真的開心大發現, 不能夠不說, 好抵呀.空港居酒屋的環境簡潔, 擺位闊落, 跟市區的餐廳相比, 有一定的空間感. 每天被生活逼得太緊, 這時候, 要走遠一點, 好好去享受難得的舒適.尾張男山 先喝一杯, 每位包180ml的盛田尾張男山清酒, 由頭喝到尾. 當然, 愛好杯中物的朋友, 還可以加$88, all you can drink, 就是不醉無歸. 說回尾張男山, 雪得夠凍, 入口是相當清爽, 讓人一杯接一杯的喝下去.前菜三點 前菜三點分別是明太子沙律, 胡麻毛茄, 跟柚子蘿白. 份量小巧, 就當是餐前的小點, 最討好的是胡麻毛茄, 胡麻醬配秋葵, 很開胃, 而柚子蘿白就最適合這個天氣去吃.自家製蟹肉忌廉餅 第二道菜是自家製蟹肉忌廉餅, 是熱辣辣, 相當脆身, 香口. 用料方面, 加入了大量鮮甜的蟹肉, 啖啖蟹肉, 是毫不稀場的.銀鱈魚洋蔥湯 師傅一開始先煎香銀鱈魚, 之後再焗成銀鱈魚洋蔥湯. 平日吃鐵板燒, 很少會有把銀鱈魚配上洋蔥湯的做法. 這樣子去做, 湯自然是很有鮮味, 但同時地, 就錯過了吃銀鱈魚的最好時光. 不過, 這個也是別有特色的處理方法.松葉蟹甲羅燒 一道菜式, 帶來三種不同味道的蟹, 就是這客松葉蟹甲羅燒. 配合了松葉蟹肉, 蟹膏, 以及蟹籽, 蟹, 就是這道菜的主角. 味鮮中帶甘香, 有水準.岩鹽焗龍蝦 其實, 這一餐的主角, 還是這客岩鹽焗龍蝦. 真正的生猛龍蝦, 擺盤很有心思. 而且份量十足, 龍蝦肉質鮮爽, 小晴晴也搶著吃. 不能錯過的是龍蝦頭, 滿佈蝦膏, 味道甘香, 這刻, 人很滿足.鐵板燒美國安格斯牛柳 鐵板燒沒有牛吃, 就像是欠了重要的元素. 這晚, 我們跟這客鐵板燒美國安格斯牛柳相遇上. 肉味濃, 入口鬆化, 滿有肉汁, 就是無得輸.櫻花蝦溫泉蛋稻庭烏冬 沒有炒飯是有點失望, 但換來的櫻花蝦溫泉蛋稻庭烏冬一樣有水準. 下了不少櫻花蝦, 加上流心的溫泉蛋, 拌稻庭烏冬吃, 大人小朋友也很喜歡.是日甜品 是日甜品是兩件蕨餅, 抹茶跟黑糖. 以此品作結, 再喝口熱茶, 剛剛好.叉燒烏冬 $168 / 蘋果汁 $58 小晴晴這客就吃叉燒烏冬, 大大碗, 有好幾塊叉燒呢. 另外她還有蘋果汁喝呢.$698能夠吃到包括岩鹽焗龍蝦, 以及鐵板燒美國安格斯牛柳等八道菜的鐵板燒清酒配套餐, 空港居酒屋這個餐, 大超值.
继续阅读