鬼金棒

营业中

休息中

呢間以麻辣湯底為主打嘅拉麵店，裡面燈光幾暗，周圍都有赤鬼裝飾，透射住紅光，幾有地獄之門嘅Feel，應該係想襯托返呢度地獄程度嘅辣，哈哈😄用QR code落單通常麻辣湯底都只可以揀辣度，但呢度除左辣度，連麻度都可以揀，完全可以符合唔同人嘅口味！我一向都唔算食得辣，而且唔太鍾意麻味嘅口感，所以選了小辣無麻嘅增量叉燒味噌拉麵。增量叉燒味噌拉麵湯底伴上好多蔥花，仲有一條小蘆筍，自己好鍾意食日本叉燒，所以專登揀左增量叉燒。呢個叉燒好厚又大舊，上面係一層微微燒過嘅肥脂肪，脂肪下嘅肉好軟嫩，肥瘦比例適中，味道十分甘香可口。湯底雖然係小辣，但食落十分惹味，拉麵嘅麵條較為實同韌，好有口感。