影片
更多
2006-07-17
15 浏览
有人生日話想打邊爐, 我當然趁呢個機會, 提議我想試左好耐既火井啦. 落車行去果陣, 經過條濕滑巷仔, 都有少少擔心, 好彩鋪頭入面都光猛整潔. 一行十五人, 鋪頭方面比左間房我地, 更加坐得舒服.至鍾意人多打邊, 皆因可以肆無忌憚咁點菜. 好彩有影相, 先記得食左乜野. 先講兩個鍋:醉雞鍋–有人話揀呢樣果陣, 我心諗: 「大熱天時食醉雞鍋, 唔係下化?」不過煲湯滾起一揭蓋, 我即刻收番呢個諗法, 事關真係好香好香.招牌鍋–基本上係一個雜錦鍋, 番茄、蘿蔔、粟米、腐竹、韮菜、芹菜、雞腳、豬皮、粉腸等等, 材料係平價貨色, 但咁多料滾埋一煲, 當湯飲都得, 好難話唔好味. 不過相對黎講, 醉雞鍋更出色.跟住就到個人推介:山東BB羊—侍應推介的冷盤小食, 小件上, 皮爽得黎唔韌, 肉質嫩滑, 不過羊膻味欠奉, 好此道者可能會失望, 我就認為出奇地好味.墨魚滑–除左好「墨魚」之外, 唔識點形容, 推介之一.牛脷瓜–問侍應係乜冬冬, 佢話係牛喉嚨入面最軟果部分喎……總之即係牛脷啦. 質地軟熟, 好味.豬潤及鱔片–勝在新鮮.韮菜餃–賣相似「角仔」, 超多韮菜, 要encore.食得過的都有:牛頸
至鍾意人多打邊, 皆因可以肆無忌憚咁點菜. 好彩有影相, 先記得食左乜野. 先講兩個鍋:
醉雞鍋–有人話揀呢樣果陣, 我心諗: 「大熱天時食醉雞鍋, 唔係下化?」不過煲湯滾起一揭蓋, 我即刻收番呢個諗法, 事關真係好香好香.
招牌鍋–基本上係一個雜錦鍋, 番茄、蘿蔔、粟米、腐竹、韮菜、芹菜、雞腳、豬皮、粉腸等等, 材料係平價貨色, 但咁多料滾埋一煲, 當湯飲都得, 好難話唔好味. 不過相對黎講, 醉雞鍋更出色.
跟住就到個人推介:
山東BB羊—侍應推介的冷盤小食, 小件上, 皮爽得黎唔韌, 肉質嫩滑, 不過羊膻味欠奉, 好此道者可能會失望, 我就認為出奇地好味.
墨魚滑–除左好「墨魚」之外, 唔識點形容, 推介之一.
牛脷瓜–問侍應係乜冬冬, 佢話係牛喉嚨入面最軟果部分喎……總之即係牛脷啦. 質地軟熟, 好味.
豬潤及鱔片–勝在新鮮.
韮菜餃–賣相似「角仔」, 超多韮菜, 要encore.
食得過的都有:
牛頸脊-- 無乜肥油, 但牛味濃郁, 岩我口味.
鵝腸–無食, 亦好惡咁唔比人一開波就淥, 費事「污染」左個湯. 據報唔錯.
貢丸–可能我自己平時少食, 唔覺好突出, 但有幾個朋友都話非常好食.
蝦滑–有墨魚滑珠玉在前, 呢味就稍為失色.
雜菌–有我至愛的雞脾菇, 大大塊, 放醉雞鍋湯味道好夾.
駱駝峰–其實我都唔知係咪真既駱駝峰, 食落比一般肉片爽口, 味道就有豬肉果種膻味, 自己唔鍾意, 但都有人幾欣賞.
瑤柱xx餃–我都無食, 又係據報唔錯, 但無韮菜餃咁正喎.
皇帝菜、唐生菜、油麥菜、通菜–基本上蔬菜類都好靚仔, 唔會比d次貨你.
另外仲叫左黑柏葉同漿爆鯊魚丸, 呢兩樣比較平凡, 但唔差. 桶蠔太大隻, 好漏,有幾隻有d甩皮甩骨, 可以不試. 花膠用黎打邊都係第一次, 印象一般, 我地臨尾先叫, 我估一開始就落, 滾耐d會好d掛. 當然唔少得我地打邊爐必叫的冰豆腐.
侍應招呼唔錯, 大部分都勤快熟手, 當中有一位明顯係新手, 但好有禮貌, 所以服務方面都滿意. 連酒水埋單位位百二, 好抵.
张贴
