火井火鍋海鮮飯店 (已搬遷)

大除夕夜，我们当然要好好庆祝一番。是夜打边炉慢慢叹来准备迎接倒数。适逢港岛线西开始投入服务，我们选择去西环食完可以再去中环倒数一举两得。一早已经订枱7时前都已有很多人在开餐中，可能大除夕夜很多人和我们一样想法打边炉后准备去倒数。我们一行三人，虽然这里牛肉出名但我们都不食牛所以叫了招牌汤底、脆肉鲩、菜肉饺、韮菜饺、墨鱼滑、虾滑、响铃、生豪和菜篮。先来招牌汤底内有鸡脚、粉肠、番茄、芹菜、酸菜材料丰富好味道。墨鱼滑和虾滑都好爽口，饺子大大只好足料，脆肉鲩和生豪都好新鲜，特别是响铃口感一绝。港岛西线通车后这里应该人流变得流多咗，希望可以继续保持质素。…查看更多

对火井最深嘅印象就系佢有啲其他火锅店好少见到嘅食品，好似田鸡扣，大秃参，花胶王，骆驼峰咁，有啲仲可能唔系人人都知系乜嘢，好似猪王喉同牛波子咁。不过我哋都系食大路嘢，所以只系叫咗个猪王喉，猪王喉本身冇乜味道，就只系爽脆而已。我以前都叫过骆驼峰同猪天梯，不过亦冇乜特别，骆驼峰主要就系好似一片好肥嘅肉不过食落唔会有好肥腻嘅感觉！食嘢嘅味道好睇心情，心情就受环境影响。火井唔系以环境地方做卖点，但系今晚一坐低就已经觉得闷焗，抬头见到开咗风扇而冷气出风微弱，个伙记就话室内外温差大我哋先觉得闷焗，但其实今晚有成廿度，一啲都唔算冷！我哋10个人被安排坐一个三面都系墙嘅角落，坐喺呢三面嘅都系椅背靠墙，要起身挟嘢都唔易。就呢两点就令我成晚都食得唔爽！坐低先叫啤酒，伙记话要够冻就蓝妹，仲有冰桶，但系由头到尾叫咗8,9枝啤酒都系倒出嚟冇几耐已经唔冻，加上比较闷焗，饮饮吓仲觉得啲唔冻嘅啤酒有啲酸酸哋！叫咗一个招牌锅(伙记话一定要试)同一个冬瓜瑶柱锅，锅里面已经有好多材料，剩番用嚟打边炉嘅空间就少咗，但系里面嘅料好似鸡脚,猪皮,粉肠,冬瓜咁都要到半路先至够入味够淋！个招牌锅除咗啲材料组合几特别之外，味道仲冇个冬瓜锅咁好味！牛颈脊(我觉得唔似系牛颈脊)切得好光滑，似系雪藏，不过肥瘦分布同比例都好好，食起嚟就好嫩滑但系牛味就弱咗少少！肥牛粒肉质唔错，但系肥瘦分布唔够均匀，瘦𠮶啲就唔够香滑！牛脷就真系唔掂，食落完全冇牛脷应有嘅甘香同肉质！各式丸类都好细粒，一碟十几粒连一只细碟都铺唔到一半，每粒都只比波子大少少，仲系雪到硬冰冰！调味料只得豉油同红辣椒，喺我食过咁多打边炉里面系最少嘅一间！…查看更多

今日去左西环火井打边炉，我想特别推介牛肩肉同花虾，仲有九菜饺。个九菜饺亲手每日新鲜包仲有好多料超好食。个花虾系可以生食架好新鲜而且啖啖肉。仲有佢个招牌煲，超级足料个汤底煲到最后超级好饮。仲加埋牛肉同九菜饺d鲜味真系好想去食多几次。超推介。…查看更多

火井火锅，可能系全世界最好食既火锅。呢间餐厅唔单只用料正，汤底也绝不马虎。识叫一定系叫火井招牌火锅做开头，如果食到辣的话一定要试下个麻辣火锅，食完真系会辣到识飞LOL 不过好抵赞的系佢的麻辣唔单只系净麻或者净辣，两者的味拿捏得好好，加上食落好香！讲完个汤底，讲下d火锅配料先。讲火锅配料，火井可以算讲得上系世界级，尤其系牛类方面，有几特别都有，无论系牛波子、牛欢喜，所有特别而又食得落肚都有得你叫！另外无论系虾滑、鱼滑等都非常出色，因为食落真系好滑，其他地方的火锅配料都冇咁正架！食得火井既你，记得一定要叫番枝啤酒啤啤佢，咁先够过瘾！呢度系逐碟计，预每人消费250蚊到，不过野食真系超高质，绝对物超所值！不过希望佢会尽快推出任食优惠啦！我会再黎帮衬架！！！…查看更多

钟意打边炉一定食过火井吧?火井招牌锅, 劲多材料, 蕃茄, 猪粉肠, 枝竹, 鸡脚等等, 超入味, 一定会饮返碗汤!招牌牛颈脊, 牛肉味超浓, 劲好味, 食完返唔到转头!生蚝好肥美好鲜甜.鸡子, 正常, 无乜特别.鹅肠正呀~ 够肥美, 打边炉真系一流到无野讲.脆肉脘鱼, 正常, 无乜特别.墨鱼滑, 够滑, 够鲜味, 吸埋汤底好正!冰豆腐吸晒汤底, 有几好味唔洗讲啦~韭菜饺, 超好味WOR, 包得好好, 馅都好正!论野食真系无野好讲, 必定再食!…查看更多