影片
更多
2017-08-16
2952 浏览
因為有個best friend喺外國返嚟，所以特登帶佢食好啲！問過同事，話尖沙咀依間chef stage de eddy chu好正，而且有一位出名既名廚主理，一於去試下！一上到去真係「嘩」一聲，因為個海景真係冇得彈！未食嘢已經覺得值回票價！對住個維港食嘢，胃口都零舍好！menu花多眼亂，揀唔落手之下唯有問下店員有咩推介!好快揀左兩個main course~先嚟咗個蟹肉煙三文魚沙律，平時出面嘅沙律通常得啲菜，依個沙律就絕不欺場，蟹肉同三文魚絕對比蔬菜份量多好多！而且沙律好新鮮，唔會係喺雪櫃岩岩出晒倒汗水咁！先黎兩個湯，分別係黑松露磨菇同忌廉鮑魚冬陰湯。因為share食，所我可以試晒兩個！黑松露嗰個就有啲似西餐廳嘅菜湯，飲落有啲磨菇粒，幾有口感！另一個呢就有大大隻鮑魚，好足料，不過可能因為係忌廉冬陰味，飲落有啲似冬陰汁多過冬陰湯。waiter推薦我地試牛脷熱脆包同乳鴿!牛脷脆包入面有少少芥末醬，啱晒我口味！而且個包真係焗到脆卜卜，好鬼好食，我地兩條友三兩下就食晒！另外一個係乳鴿，依個比較普通，好食的，不過同全晚嘅嘢食比就未係最出色！Main course就叫咗慢燒牛肉眼同薯菜鴨脾。一直都
一上到去真係「嘩」一聲，因為個海景真係冇得彈！未食嘢已經覺得值回票價！對住個維港食嘢，胃口都零舍好！
menu花多眼亂，揀唔落手之下唯有問下店員有咩推介!好快揀左兩個main course~
先嚟咗個蟹肉煙三文魚沙律，平時出面嘅沙律通常得啲菜，依個沙律就絕不欺場，蟹肉同三文魚絕對比蔬菜份量多好多！而且沙律好新鮮，唔會係喺雪櫃岩岩出晒倒汗水咁！
先黎兩個湯，分別係黑松露磨菇同忌廉鮑魚冬陰湯。因為share食，所我可以試晒兩個！黑松露嗰個就有啲似西餐廳嘅菜湯，飲落有啲磨菇粒，幾有口感！另一個呢就有大大隻鮑魚，好足料，不過可能因為係忌廉冬陰味，飲落有啲似冬陰汁多過冬陰湯。
waiter推薦我地試牛脷熱脆包同乳鴿!
牛脷脆包入面有少少芥末醬，啱晒我口味！而且個包真係焗到脆卜卜，好鬼好食，我地兩條友三兩下就食晒！
另外一個係乳鴿，依個比較普通，好食的，不過同全晚嘅嘢食比就未係最出色！
Main course就叫咗慢燒牛肉眼同薯菜鴨脾。
一直都想試慢燒牛扒，既然呢度有就一於試下！4成熟既肉眼，雖然顏色偏紅，但食落口完全唔覺得係4成，整體質感好香好軟腍。估唔到慢燒出黎既效果咁好食!
鴨脾比我想像中煮得濃味，雖然我喜歡清淡啲，但係朋友就相反，可能喺外國食慣濃味嘢，所以佢話個薯菜鴨脾啱晒佢口味！
最後雖然有少少想食啲甜嘢，不過真係太飽喇，唔想浪費食物，所以都係算喇！
今次同事真係冇介紹錯，chef stage景靚之餘，食物質素超晒班，真心物超所值! 由未日落食到天黑，景色真係非一般靚
因為我地兩個都唔飲酒，聽侍應哥哥推介，叫咗兩杯有果汁嘅特飲（果茶同eddy's cure)，兩杯都好鮮甜，尤其係果茶特飲，有啲鮮蘋果肉，又juicy又有咬口！
张贴
