七福神和食亭

营业中

休息中

今次朋友推介就去左喺佐敦嘅餐廳食飯🤩喺IG有人都話呢間餐廳好有水準，即刻book枱慰勞自己！店員推介呢個刺身盛合，見入面都幾多嘢食，又有海膽，三文魚，深海池魚等等，就決定試下。就咁睇落顏色都幾靚，好彩食落都keep到個水準，真係新鮮！海膽食落唔腥，而且係濕潤帶點甜味。其餘刺身都好肥美，鮮蝦肉質都好爽口彈牙。另外仲叫咗味噌煮牛筋，牛筋好好淋好入味，仲配咗有啲紅蘿蔔做配菜，睇落顏色仲鮮艷，鍾意食牛肉嘅一定要叫。之後呢個照燒雞肉潛艇，本身仲怕佢係得照燒雞肉會好乾，但送到黎見到滿滿嘅芝士，我就知道有芝士一定唔會難食！估唔到佢仲要係超好味添啊！雖然佢好多芝士但係又唔會好膩，仲食到有照燒雞嘅香味！最後有驚喜嘅係活鰻西京串，鰻魚一啲都唔腥，燒完之後肉質都唔會散開，仲好香。