813
71
31
港铁佐敦站 B1 出口, 步行约2分钟 继续阅读
电话号码
23882302
开饭介绍
位于佐敦的日式料理,有多款刺身及海胆供应,另设特色甜品、原个水果上的「水果雪芭」。 继续阅读
附加资料
本店会员享有九折优惠
营业时间
今日营业
11:30 - 15:30
17:30 - 22:30
星期一至日
11:30 - 15:30
17:30 - 22:30
公众假期
11:30 - 15:30
17:30 - 22:30
付款方式
Visa Master AlipayHK 支付宝 现金
其他资料
网上订座
酒精饮料
自带酒水
切蛋糕费
包厢
电话订座
加一服务费
当面支付
有关奖赏计划
食记 (976)
等级4 2019-10-29
33 浏览
呢晚放工同姐姐嚟咗呢度食晚饭好耐冇去屋酒屋食饭,所以点咗好多嘢食火炙寿司五件都烧得好香口我最中意鳗鱼同吞拿鱼鳗鱼柔软得嚟又有d弹性,好食!芝麻鸡翼鸡翼充满芝麻香,好香口惹味蛋包饭蛋做得好松软充满蛋香入面嘅珍珠米饭带d湿润但粒粒分明好饱满整个蛋包饭嘅调味啱啱好唔会过咸加埋番茄酱食落更多开胃滋味 !海胆炒饭上面放有鲜甜嘅生海胆同三文鱼籽饭入面除咗熟咗嘅海胆粒、仲有虾同鱿鱼等嘅海鲜配料、非常之丰富,充满海鲜嘅咸香味。另外珍珠米炒得粒粒分明,非常香口焗蚝香滑忌廉加鲜甜厚肉嘅蚝,yummy!剌身拼盘全部都好新鲜生蚝好鲜甜,带少少海水味!good!椰子雪糕好重椰子味,好香滑!好食!整体来讲食物质素都好好,而且价钱又合理,都几适合同一班朋友嚟食 继续阅读
(以上食记乃用户个人意见 , 并不代表OpenRice之观点。)
等级4 2019-10-25
224 浏览
事原妹妹仔想我帮佢占卜算命,但又唔知俾几多钱.....我话大家咁熟, 咪请我食番餐饭仔算罗!想食咩呀?日本菜罗! (因为近排少食日本菜!)咁....想去边间呀?你请你话事啦!咁.... 佢就订咗枱去七福神!七福神唔系第一次帮衬, 水准唔错, 所以放心再帮衬.妹妹仔请, 所以由佢发办, 蟹籽沙律 (大份量), 炸鸡软骨, 六品刺身盛兮, 蒲烧鳗鱼, 九州拉面.未讲食品之前, 先讲吓个厕所, 好乾净! 赞!炸鸡软骨超正, 外表香脆之余鸡软骨一D都唔硬, 而且极软又极 Juicy, 爆分! \(^0^)/.六品刺身盛兮除咗有最爱三文鱼, 重有带子, 甘虾, 北寄贝, 吞拿鱼同鱆红鱼, 最深印象系带子同甘虾, 肉质极鲜甜, 我重留意到底部放上冰粒保持底温, 够贴心.蒲烧鳗鱼鱼身够厚肉, 入口即溶而且味道唔会太甜啱啱好, 满意.我自己少食九州拉面, 眼前嘅叉烧份量比想像中多, 最重要入口即溶, 汤底亦浓郁, 拉面弹牙之余唔会过冧, 满意x2.最惊讶系个大份量嘅蟹籽沙律! 竟然用个大大个汤碗装大大份沙律上枱, 你话如果份沙律唔好食都可以放弃唔理佢, 衰在份沙律足料搅到好好味喎! 结果食完个沙律已经饱腹一半!Okay, 继续算命, 乾坤一开, 三七气流一转.... 继续阅读
(以上食记乃用户个人意见 , 并不代表OpenRice之观点。)
等级4 2019-10-23
297 浏览
去佐敦附近都好似新开左唔少美食,而呢间成日经过都会见到佢楼下需要排队所以今日就提早黎book定位一於嚟试吓。蟹籽沙律(大)因为平时见出面嘅沙律份量都比较少,於是就叫左个大的,而呢间嘅沙律份量完全系超出预期,系平时的份量的3倍,适合6个人以上食。而入面的青瓜都非常爽脆。唯一有少许问题系沙律酱太多,所以好腻,建议大家可以叫少酱。芝麻鸡翼一碟有四只,全部都连埋鸡翼尖而且系新鲜即炸,表面嘅调味功夫都做得十分之好。够晒入味有少少咸咸地同埋香料嘅味道啱啱好,而且入面啱炸得啱好,仲有肉汁唔会太乾身又唔够熟,所以呢个芝麻鸡翼都叫得过。三文鱼腩,一客有5块,每块都切得几厚,系平时放题嘅厚度嘅两至三倍到。所以食落非常之有口感,而且脂肪分布非常之好,所以非常之容易咬落去,而且唔会有其他唔新鲜的味或者唔够冻嘅情况出现。石锅烧香蒜牛肉饭,一上枱嗰阵已经闻到面头大量蒜香嘅味道,而且石锅非常之够热。所以一上枱之後要开始拌饭。如果唔系就会出现烧焦嘅情况,不过正正系因为够热所以成碗饭都会充满着好香嘅牛肉同埋蒜香味道。十分之惹味。而且牛肉嘅份量都比得相当自大方,少少咸咸地嘅汁同埋蒜香食落非常之开胃。炸鸡软骨,上面嘅炸粉一啲都唔厚,而且系新鲜即炸,脆卜卜,有小小盐,可以配上啤酒咁样食非常之夹。士多啤梨乳酸,入面士多啤梨嘅味道非常之香浓,而且一啲都唔假,应该系用咗新鲜嘅士多啤梨落去整,入面嘅甜度亦都唔会比起坊间甘甜,加上有少少酸咁,而且都几大杯所以都几抵。最後职员虽然非常之忙碌,但系亦都唔会有漏单嘅情况出现。食物上枱嘅速度亦都几快。 继续阅读
(以上食记乃用户个人意见 , 并不代表OpenRice之观点。)
星期日和屋企人出咗去佐敦, 行街行到肚饿之际,谂起<七福神和食亭>就喺附近, 时间尚早就冲上去开餐。因为工作关系偶然都系佐敦开饭, 这裹出名抵食好食, 除咗学生好多机构员工都有优惠。就和一般居酒屋一样,有各款刺身寿司炸物,料理,串烧,各式饮品,清酒。试咗这款新品《牛油果鲜奶沙冰》$38沙冰够幼滑, 牛油果味唔算突出, 而牛油果和鲜奶比例均衡, 清新怡人又冰凉, 啱晒唔系咁锺意奶味嘅人。寿司和各料理都系自己写低喺纸仔上。《三文鱼腩刺身》$68够晒厚切, 份量足, 肥美鲜甜有鱼油嘅香, 性价比相当高!《 唐扬鱿鱼须》$55使用了较细嘅鱿鱼须, 炸得香口, 趁热食,蘸沙律酱美味! 送酒佳肴!点了一系列嘅寿司。其中甘虾非常鲜甜, 赤贝爽甜, 蟹仔军舰非常大份, 炙烧三文鱼可以烧多一点可逼出鱼油。吞拿鱼有雪味唔算新鲜。《荞麦冷面》$50荞麦冷面 锺意佢够烟韧, 唔会过腍, 冷面汁美味有葱香和芝麻香。芝士 焗天火蚝$72 三只下了芝士酱汁烤焗特别惹味, 蚝肉够肥美。 人吃三只,都可以小食多滋味~蟹肉味噌甲罗烧$58 配饭团蟹膏和味噌配合得天衣无缝,咸香惹味 ,混入丝丝蟹肉, 自制蟹膏军舰, 非常美味!焗肉酱茄子手打乌冬$58和肉酱意粉味道相似, 重点上面有溶咗嘅芝士同埋一只温泉蛋。 温泉蛋令成个捞乌冬好滑, 配合肉酱和芝士非常惹味!!食物水准平均,美味, 透过openrice订位某些时段好似仲有88折 继续阅读
(以上食记乃用户个人意见 , 并不代表OpenRice之观点。)
星期六本来约了好友到the one看电影,可惜来到戏院发现场「靓位」已满,最後决定将原本的行程改动。首先要找一间美味的,又能容许我多坐一会,已不会被赶走的食店开餐,最後,就来到了七福神。这里的占地够大,能容纳大量食客,而且客位宽敞,不会有挤迫感。餐牌上各款食物都非常吸引,而且价钱挺合理。牛舌串牛舌是厚切,味道甘香,口感烟韧,有咬口,带有点点烧烤香味。墨鱼咀唐扬外层炸浆超薄,入口酥脆,不会有厚重的粉状感,内里墨鱼咀有咬口,一啖一粒,非常滋味。鱿鱼须唐扬推介,鱿鱼须外层炸至金黄色,入口脆卜卜,内层爽弹,若两款炸物作比较,个人偏爱这一款。炙五味若与餐牌上的火炙寿司比较,炙五味算是非常抵食,5件不同配料的寿司,只是HK$58,个款寿司都有种入口既滆的口感,而且带有阵阵的火炙香味,而火炙三文鱼腩绝对是我的最爱,肥美甘香,吃後整个咀里都有满满鱼油香味。吞拿鱼寿司、海胆寿司、三文鱼籽寿司、火炙三文鱼腩、火炙带子由於炙五味非常好吃,我亦追加了数款火炙及鱼生寿司。在众多款寿司中,以三文鱼籽寿司及海胆寿司最出色,三文鱼籽鲜味十足,不会有重咸味,海胆入口即化,味道鲜甜。赤坂鱼蛋紫菜手打乌冬由放担心只吃炸物及寿司不够饱肚,各自点了乌冬来吃,乌冬口感超弹牙,即使放凉了,质感仍然是QQ的。埋单前,店员为我们送上朱古力雪糕作甜品,感觉满足。 继续阅读
(以上食记乃用户个人意见 , 并不代表OpenRice之观点。)