希戈餐廳

营业中

休息中

Hugo’s係好多年歷史既老牌西餐廳，入面裝飾係好優雅既格調，好傳統既歐陸西餐廳。今次黎食lunch set，有7款main course揀。頭盤方面，侍應會推架高級餐車出黎比你揀想要咩，架餐車好吸晴，好靚好高級，好似話係殿堂級品牌Christofle的兩輛六十年代餐車。車入面放左10幾款頭盤，比你自己揀，侍應生就會夾落碟比你。餐包有一盤放枱面，有蒜蓉包，熱辣辣既，好好食。到主菜。我覺得我個主菜好少，得兩舊仔再加塊炸肉餅, 食完都唔夠飽。甜品又係會推架餐車出黎，所有甜品，水果，朱古力，macaoon 就會係你面前，你就可以揀。 甜品我揀左芒果拿破崙 榛子蛋糕 朱古力蛋糕，個人覺得朱古力最好味，水果有芒果，士多啤梨，菠蘿，蜜瓜，哈蜜瓜，芒果好甜餐飲叫左咖啡，咖啡碟會伴上兩塊蝴蝶酥架，驚喜既餐廳係高級路線，好岩情侶夫妻生日或者週年紀念食。