Paul Lafayet (已搬遷) 新店位置

9月28日, 食完晚飯, 又係食甜品嘅時間! 皇室堡呢個商場真係甜品嘅天堂~ 又有froyo、又有雪糕、又有港式糖水、又有朱古力專門店… 仲有Paul Lafayet!::: Crème Brulee ::: $40最鐘意佢即叫即燒! 有客人order先會從餅櫃取出燉蛋, 再灑上糖粒然後即場用火槍輕燒~ 真係未食已經充滿娛樂性! 焦糖厚度啱啱好, 一篤即裂~ 唔會搞到底下d蛋爛晒上面塊焦糖都仲係一大塊. 燉蛋香甜, 質地綿滑蛋味濃郁~ 加上粒粒脆口焦糖食又多重感受, 好好味呀!!幾間Paul Lafayet都係舖仔細細, 只得幾張枱仔, 坐低食其實唔太舒服兼且可能要等位~ 不過堂食可以享受埋service, 我地隔離枱咁啱有人慶祝生日, 店員竟然一齊唱生日歌, 仲每人送咗個macaroon比佢地食~ 同場仲見到阮小儀喺度拍訪問添~! 希望遲d老佛爺可以開大間d舖, 可以舒舒服服坐低嘆佢d cake就好喇~!