鮮入圍煮花膠雞海鮮火鍋

营业中

休息中

星期三晚同朋友嚟咗尖沙咀呢間鮮入為主打邊爐，之前都聽過呢間嘅大名，所以都好期待啊！位置都唔難搵，係喺「美食街」盡頭一棟充滿美食嘅大樓裏面。上到8樓，一開電梯門就見到大大個招牌，下面寫住花膠雞湯 海鮮火鍋，既然佢咁大力推介，一於試試佢個花膠雞湯。係等緊位嘅期間，已經急不及待問店員借張餐單嚟睇吓等陣食乜嘢。因為我哋得兩個人，所以可以叫嘅嘢食比較有限，叫完半份花膠雞湯，我哋仲叫咗芋絲、手打墨魚滑、自家製蜂巢豆腐同埋兩杯嘢飲就完啦。花膠雞作為佢哋嘅招牌，果然有返咁上下實力，花膠都好足料大大塊有咬口，雞肉嫩滑，當侍應用鉸剪好輕鬆幫我哋剪開嗰下都估到雞肉應該會好林，好味。手打墨魚滑真係比想像中多好多啊，兩個人食都食唔晒，最後大家都捧住個肚，好滿足咁走！