影片
更多
2021-10-12
2262 浏览
香港嘅夜景真係無得輸，今晚呢餐就由呢個靚景陪伴下開始..............................點了五道菜套餐，由沙律開始食到甜品打頭陣係呢客乳酪鮮蝦芒果沙律，以爽口沙律菜為底，加埋鮮蝦及芒果，用乳酪代替沙律醬，健康又無咁膩，下次自己整沙律都可以試下喎! (學到嘢)沙律過後就上餐湯，友人係"菇粉"，呢客黑松露磨菇湯就正中佢下懷啦，入口食到磨菇碎粒，又有黑松露獨有香味，菇味大爆發!是日餐湯係蕃茄蟹肉湯，入口滿滿蕃茄碎粒，好濃蕃茄酸甜味道，加上蟹肉又增加了口感，熱度夠，湯還是要熱飲好味好多!呢客清酒蟹肉日本年糕，香滑醬汁味道似白酒忌廉汁，用黎配口感煙韌日本年糕都幾岩數，清甜蟹肉又出場，一定無SAY NO!主菜我要咗扒雜海鮮 ($668)，包括 : 鮮魚柳，日本帶子，大蝦，鮑魚及青口，擺盤相當吸引青口入口相當鮮甜，好濃"青口"味; 今日魚嘅代表係煎鱸魚，皮脆肉嫩又無骨，好得! 日本帶子就肉厚，內裏仍然保持軟身; 鮑魚就以磯煮方法，略帶口感燒大蝦容易殼肉分離，肉含量相當高，彈牙口感真係要講句: 唔講武德 (哈..哈...)友人另一個身份係牛魔王，落注係呢客美國牛肉眼 ($5
點了五道菜套餐，由沙律開始食到甜品
打頭陣係呢客乳酪鮮蝦芒果沙律，以爽口沙律菜為底，加埋鮮蝦及芒果，用乳酪代替沙律醬，健康又無咁膩，下次自己整沙律都可以試下喎! (學到嘢)
沙律過後就上餐湯，友人係"菇粉"，呢客黑松露磨菇湯就正中佢下懷啦，入口食到磨菇碎粒，又有黑松露獨有香味，菇味大爆發!
是日餐湯係蕃茄蟹肉湯，入口滿滿蕃茄碎粒，好濃蕃茄酸甜味道，加上蟹肉又增加了口感，熱度夠，湯還是要熱飲好味好多!
呢客清酒蟹肉日本年糕，香滑醬汁味道似白酒忌廉汁，用黎配口感煙韌日本年糕都幾岩數，清甜蟹肉又出場，一定無SAY NO!
主菜我要咗扒雜海鮮 ($668)，包括 : 鮮魚柳，日本帶子，大蝦，鮑魚及青口，擺盤相當吸引
青口入口相當鮮甜，好濃"青口"味; 今日魚嘅代表係煎鱸魚，皮脆肉嫩又無骨，好得! 日本帶子就肉厚，內裏仍然保持軟身; 鮑魚就以磯煮方法，略帶口感
燒大蝦容易殼肉分離，肉含量相當高，彈牙口感真係要講句: 唔講武德 (哈..哈...)
友人另一個身份係牛魔王，落注係呢客美國牛肉眼 ($578)，份量相當夠睇頭
肉眼扒應該採用分切式燒法，肉眼嘅外圍唔會燒到帶脆身，肉紋清晰顯現，淋上燒汁香味四射
柯打五成熟，切開時已感到鬆軟，肉質細嫩，感覺好"斯文"; 配菜有紫薯蓉，紅蘿蔔及羽衣甘藍，顏色豐富又好味!
是日甜品係呢客咁精緻嘅藍莓芝士蛋糕，碟上用醬汁畫了裝飾，芝士蛋糕綿滑口感，一口一件感覺完滿~
係呢度用餐，欣賞佢會留意食客用餐節奏，食完一道先上另一道菜，唔會出現一下子上晒菜，又或者食咗年糕先再上沙律囉!
张贴
