影片
更多
2017-09-01
213 浏览
Lunch 過黎食過幾次，有質素，所以都想試下晚餐，同lunch 一樣，都唔算貴$1398就有個2人龍蝦餐。仲有做緊85折，都低食。我同朋友，訂左7點，但6點45分就到左，見到全場d枱都落哂留座，估唔到晚上都好多人，仲聽到電話不停嚮，侍應話今晚full左，本想快快食交返張枱比佢地，但點知，見到侍應不停係d枱度拎返d留座牌，心諗，香港人真係鐘意 No Show，去到邊都可以No Show!有好多無品既香港人，影衰d有品既香港人，我一向訂左枱都會準時到，黎唔到都會預早講聲，因為人地都要做生意，你話黎人地要留張枱等你地，接唔到其他客人。因為呢間餐廳唔係大，一眼睇哂，我見到大概有7至8枱No show ，我有d失望，點解香港人會變到咁無品😢只係想順便講下，想大家做返個好食客☺龍蝦二人餐menu都幾多選擇我地兩個都係叫鵝肝鮑魚鵝肝內脆外軟，鮑魚新鮮，鮮甜，加上鵝肝放上面，鮑魚都有鵝肝味，好香，再配埋脆脆既薯餅。2個龍蝦湯，好好味，仲左好多蝦肉係碗湯度，龍蝦湯好濃郁，一d都唔咸，仲好鮮甜，入口有軟林林既感覺。之後一個鱸魚同Baby Lamb 鱸魚個皮好脆，魚肉好滑，油份都算重，口感好正！個扒龍蝦真
我同朋友，訂左7點，但6點45分就到左，見到全場d枱都落哂留座，估唔到晚上都好多人，仲聽到電話不停嚮，侍應話今晚full左，本想快快食交返張枱比佢地，但點知，見到侍應不停係d枱度拎返d留座牌，心諗，香港人真係鐘意 No Show，去到邊都可以No Show!有好多無品既香港人，影衰d有品既香港人，我一向訂左枱都會準時到，黎唔到都會預早講聲，因為人地都要做生意，你話黎人地要留張枱等你地，接唔到其他客人。因為呢間餐廳唔係大，一眼睇哂，我見到大概有7至8枱No show ，我有d失望，點解香港人會變到咁無品😢
只係想順便講下，想大家做返個好食客☺
龍蝦二人餐menu
都幾多選擇
我地兩個都係叫鵝肝鮑魚
鵝肝內脆外軟，鮑魚新鮮，鮮甜，加上鵝肝放上面，鮑魚都有鵝肝味，好香，再配埋脆脆既薯餅。
2個龍蝦湯，好好味，仲左好多蝦肉係碗湯度，龍蝦湯好濃郁，一d都唔咸，仲好鮮甜，入口有軟林林既感覺。
之後一個鱸魚同Baby Lamb
鱸魚個皮好脆，魚肉好滑，油份都算重，口感好正！
個扒龍蝦真係好好好好味，好香，龍蝦肉本身好鮮甜，食得岀係新鮮，唔係死左個d，再加上香草，令到龍蝦色香味俱全，我真係唔識形容，真係要親身食過先感受到。同平食個d真係好唔同。。。
個羊都好嫩，羊味較淡同肉較細緻，食唔到羊既人，應該都接受到呢個Baby Lamb 。
唯一就係個配菜，如果多小小蔬菜就好d，同埋個似薯餅嘅Risotto cake ，煎得唔夠脆，黑松露味唔夠濃，無咩黑松露味。
甜品Creme brûlée
我不喜歡食甜品，而且我好飽，所以我無要到，無謂浪費。朋友話好好味，蛋味重，唔算好甜。見到隔離枱有人生日仲寫左Happy birthday 同有蠟燭上個甜品，好有心思。
見到No show 既人太多，我地都唔使急住走，飲完跟餐既白酒就再開左支紅酒，跟餐既白酒都唔差，易入口。我地叫左支平平既既紅酒，5百幾蚊，波爾多產區，果味香而薄身，入口有一種順既感覺，唔會鞋口，岩女士飲。
张贴
