La Vache!

营业中

休息中

好耐無出街食飯，中午都要食番餐好野先，如果唔係真係就快crazy。咁耐無出街食飯，一去到，緊係開番支紅酒飲先！house wine 容易入口，3百蚊左右，唔使唸咁多啦！呢度最好係唔使煩要選擇乜野食，一定係食牛扒，只要選擇自己喜歡的幾成熟: rare, medium rare, medium, medium well or well done.我揀選了medium rare，由於有火heat住，又想慢慢享受，唔可以太熟，叫生少少，可以一邊飲紅酒一邊慢慢嘆件牛扒。不可不提，呢度既薯條係用牛既油黎炸，特別香，味道特別濃郁，出面真係食唔到，仲要任食，可以不斷添加，不過，千萬不要浪費食物。如果有朋友生日，果度都有好多甜品選擇，預早通知，可以安排唱生日歌同埋係甜品度加名。留意，4位以下，可以用OpenRice 訂位，5位或以上，要上網訂位，無電話訂位。不過，依家咁既情況，平日walk in都有位。價錢不貴，值得再去。