炊豕店 (威靈頓街) (已結業)

今晚喺港島區睇concert前去左中環醫一醫肚先，黎左呢間台式小店--炊豕店。餐廳內裡環境行懷舊樸素風，幾骨子整齊。每枱枱面都有一疊點餐紙比食客自己落單，幾方便。野食款式唔算多，唔花巧，價錢喺中環區黎講真係好經濟實惠👍🏼落完單先發現原來呢排仲有個期間限定嘅款式😂下次先黎再試下野食我地嗌左兩款加一個小食。分別係炸豬扒飯配肉燥，炸豬扒飯配咖哩，同炸芝麻雞翼。塊炸豬扒好大塊同厚，佔左個碗面積嘅三份之二。以往我食親炸豬扒飯次次唔係配咖哩就滑蛋，好少配肉燥，估唔到今次新嘗試撈肉燥食都幾夾喎！至於個炸雞翼同樣炸得好香口，表面仲落左七味粉，辣辣地好開胃。