Homeland (東昌街) (已結業)

呢日有事去咗大埔，處理完之後肚仔餓，要醫肚，唔熟悉呢頭，上網Google一下，見到呢間餐廳🍴，去過佢之前喺大角咀嘅分店，印象幾好，咁就唔考慮啦😆，見到大埔有，就決定行過去開餐😆呢度有「HOMELAND 午市套餐」，揀咗 $158 嘅「甲羅燒🦀蟹膏燉飯」，午餐包 咖啡/茶，咁我就揀咗「熱咖啡☕️」😆「甲羅燒」依家似乎越嚟越流行😆，好多地方都有得賣有得食，水準參差😅；呢度嘅「甲羅燒」落咗幾多蟹肉、蟹籽、同埋蟹膏，仲有香蔥，材料都算豐富😋；「燉飯」係risotto 🇮🇹 嘅做法，煮得好軟熟，個 sauce 好厚身😆；另外，整個「甲羅燒蟹膏燉飯」賣相都幾靚🤩。嗰杯「熱咖啡☕️」就幾香濃😆