Hungry Monkey (金朝陽中心二期 - Midtown) (已結業)

［📍 銅鑼灣｜Hungry Monkey ］銅鑼灣嘅登龍街美食林立，今次搵到間環境好似置身於日本居酒屋感覺既鐵板燒店，環境好舒適，食物水準好高，好適合放工過黎chill 下。鐵板活北寄貝 肉質鮮嫩，配搭蒜香同醬油，鐵板燒過後仲保留海鮮既甜味。青蘋果蟹籽沙律係有清新口感既開胃菜，青蘋果既酸甜加埋蟹籽既鮮味，會令到你一口接一口咁繼續食落去。松葉蟹肉甲羅燒 松葉蟹既肉質鮮嫩加埋啲大大篤既蟹膏完美融合，再用甲殼佢盛碟，視覺效果會令你食欲大增。松葉蟹肉海膽炒飯份量超多，蟹肉非常鮮甜，蟹肉蟹膏比例好高，唔會淨係得啲飯，米飯亦炒得粒粒分明。A5和牛坑腩 肉質細膩，油花分佈平均，入口即溶。鐵板燒過之後更加帶出到個牛味同個油香，呢個係必叫。三得利啤酒環境感覺同埋食物款式會令到你好想叫杯啤酒，成個感覺真係好日本風。