影片
更多
2020-07-02
736 浏览
作為一名健身教練, 發現官塘CP極高OMAKASE唔講唔知原來官塘一條唔起眼既鴻圖道都有OMAKASE, 門面睇落只係一般和式餐廳, 冇華麗裝修望落又冇乜氣派, 原來係隱世一嚐廚師發辨既好地方。先付牛油果醬豆腐先來一客清新系前菜, 牛油果醬, 蕃茄鋪係凍豆腐上面, 一口一件打開味蕾。時令季節五點左口魚以魚味比較淡既白身魚作為開端, 配上青瓜醋能提鮮, 清新可口, 師傅特別將左口魚裙邊炙燒過, 迫出魚油, 香氣倍增。八爪魚足八爪魚足爽甜帶咬口, 配上柚子醋十分匹配, 清爽。白蝦香蝦蝦身細小, 眼前一大團既白蝦鮮甜帶黏口, 非常新鮮。金目鯛配蛋黃醬賣相精緻! 橙黃既蛋黃上係鮮紅粉嫩既金目鯛, 再加上蛋白泡泡, 同時令口感更細滑。濃香既蛋汁包裹住整塊肥美既金目鯛, 味道好有層次。拖羅海膽配魚子醬海中三寶加上金箔同時呈現眼前, 賞心悅目! 淡粉紅拖羅布滿油脂, 入口即化, 海膽甘香可口, 魚子醬鮮味更能提升整個刺身鮮味, 放入口感到奢華又滿足!和牛薄燒睇住師傅將大塊和牛輕輕兩邊燒一燒, 趁依然粉嫩時捲起, 和牛既油多到溢出, 入口軟嫩, 油香充滿整個口腔, 食依個既時候真係唔好講野, 要好好享
唔講唔知原來官塘一條唔起眼既鴻圖道都有OMAKASE, 門面睇落只係一般和式餐廳, 冇華麗裝修望落又冇乜氣派, 原來係隱世一嚐廚師發辨既好地方。
先付
牛油果醬豆腐
先來一客清新系前菜, 牛油果醬, 蕃茄鋪係凍豆腐上面, 一口一件打開味蕾。
時令季節五點
左口魚
以魚味比較淡既白身魚作為開端, 配上青瓜醋能提鮮, 清新可口, 師傅特別將左口魚裙邊炙燒過, 迫出魚油, 香氣倍增。
八爪魚足
八爪魚足爽甜帶咬口, 配上柚子醋十分匹配, 清爽。
白蝦
香蝦蝦身細小, 眼前一大團既白蝦鮮甜帶黏口, 非常新鮮。
金目鯛配蛋黃醬
賣相精緻! 橙黃既蛋黃上係鮮紅粉嫩既金目鯛, 再加上蛋白泡泡, 同時令口感更細滑。濃香既蛋汁包裹住整塊肥美既金目鯛, 味道好有層次。
拖羅海膽配魚子醬
海中三寶加上金箔同時呈現眼前, 賞心悅目! 淡粉紅拖羅布滿油脂, 入口即化, 海膽甘香可口, 魚子醬鮮味更能提升整個刺身鮮味, 放入口感到奢華又滿足!
和牛薄燒
睇住師傅將大塊和牛輕輕兩邊燒一燒, 趁依然粉嫩時捲起, 和牛既油多到溢出, 入口軟嫩, 油香充滿整個口腔, 食依個既時候真係唔好講野, 要好好享受。
伊左木壽司
伊左木魚味清香, 口感柔軟, 配上柚子胡椒非常清新。
火炙鯛魚壽司
火炙後既鯛魚香氣濃郁, 入口油潤。
中拖手卷
師傅用火槍不斷燒串起左既拖羅, 只用其油, 魚油不斷滴落中拖蓉中, 最後製作成手卷。淨係過程已經目不暇給, 入口極香濃魚油香, 滿口拖羅蓉, 回味無窮!
時令果物
靜岡蜜瓜爆汁又香甜, 為晚餐作結。
整晚體驗非常良好, 師傅好親民, 望住師傅好用心咁去做每一道菜, 擺盤亦一絲不苟, 原來OMAKASE唔一定要價值不菲, 都可以有高級享受, 絕對會回頭既一間餐廳!
张贴
