滄浪亭

营业中

休息中

晚上後與食友來吃碗蔥油拌麵，八時許，人客依舊不少，甫坐下，即問靚姐仲有蔥油拌麵，點下拌麵外，仲打算叫燴麵、百葉包、皮蛋、烤夫的，結果以上全部售罄，這回真的是魚與熊掌．．．退而求其次，要了醉雞、雙囍魚麵。醉雞即叫即上，是原隻雞翼送上來，浸著薄薄的「醉汁」，雞翼唔醉但吃了小吃覺得有酸漏漏異味，唔對路，連忙叫食友棄之。而蔥油開洋拌麵，是很地道的滬菜麵食，水蔥溫油浸過，獨立吃也好味，但個性比較平和一點，而上海白麵熱度似乎唔多夠，在甜口醬油下蔥油的香很大程度比蓋過，開洋是海乾蝦，殼很硬，味道中規中矩，但肯花功夫細心處理蔥段及搓揉過才煮的白麵，已經吃得很滿意了。雙囍魚麵，闊口靚碗奉上，湯底呈琥珀色，上面有一舊炆豬腩同滬式炸燻鯇魚，分量足夠兩個自己吃。湯底甜得不得了，除有肉甜味外，好似下了唔少糖，與食友一時也說不出是什麼味道，燻魚打孖上，除醬油的甜外亦吃到少少紹酒味道，肉唔腥但實，不是自己喜歡質感，連皮的位置最好吃，而炆豬腩，肥的部分甘腴鬆化，美味，肉部分夠味，但不夠鬆腍，似乎是肉本身問題，廚子盡了力是非戰之罪，$28大碗麵，收貨了。是夜除了蔥油開洋拌麵同炆豬腩外，其餘菜式品質似乎有些問題，希望店方