影片
更多
2009-09-29
12 浏览
外母生日，老婆外家話去食，但就食左個畢生難忘既自助餐 -- 勁難食。難食到點？我要半途閃左出街，去對面漆咸道「味王」茶餐廳拿拿臨食個飯，再閃返去扮無野繼續，泰山大人問我去左邊，我話食飽左，所以落街行下咁話…。先講環境，5 星酒店又點會話好差丫？不過我覺得太逼狹喇，地小人多，無大酒店應有既鬆容感。服務都係 ok 既，大酒店既罐頭式服務囉！但大家商業交易者，佢地都做好左本份喇。衛生亦都一樣，大酒店既管理，最少我眼睇就好 ok 啦！但最重要既食物質素，就真係令人難以接受，最好食係巴馬火腿、 甜品、同生果，火腿其實都唔係靚，鹹係死鹹，無鹹香火腿香，但都仲可以既…，甜品係正常美心普通質素，但已經係最好味。果 d 煙三文魚又實又無味，唔係淡口咁解，係無煙魚既香同味！仲有其它果 d 冷盤同沙律，選擇又少又差勁，蝦蟹無厘聞味，去凍肉鋪買返屋企解凍食咪得囉，使咩去佢度？我自己去酒店食自助餐，最鍾意就係食冷盤同甜品，但佢真係 9 流。牛扒、羊架，仲老過我，「鞋」到阿媽都唔認得，都唔知搞咩；中式食品，d 點心咪就係我地日常係一般酒樓咁上下囉，不過不失啦！生滾粥係自助餐中算 ok，但唔好有任何期望，同粥鋪無得
難食到點？我要半途閃左出街，去對面漆咸道「味王」茶餐廳拿拿臨食個飯，再閃返去扮無野繼續，泰山大人問我去左邊，我話食飽左，所以落街行下咁話…。
先講環境，5 星酒店又點會話好差丫？不過我覺得太逼狹喇，地小人多，無大酒店應有既鬆容感。
服務都係 ok 既，大酒店既罐頭式服務囉！但大家商業交易者，佢地都做好左本份喇。
衛生亦都一樣，大酒店既管理，最少我眼睇就好 ok 啦！
但最重要既食物質素，就真係令人難以接受，最好食係巴馬火腿、 甜品、同生果，火腿其實都唔係靚，鹹係死鹹，無鹹香火腿香，但都仲可以既…，甜品係正常美心普通質素，但已經係最好味。
果 d 煙三文魚又實又無味，唔係淡口咁解，係無煙魚既香同味！仲有其它果 d 冷盤同沙律，選擇又少又差勁，蝦蟹無厘聞味，去凍肉鋪買返屋企解凍食咪得囉，使咩去佢度？我自己去酒店食自助餐，最鍾意就係食冷盤同甜品，但佢真係 9 流。
牛扒、羊架，仲老過我，「鞋」到阿媽都唔認得，都唔知搞咩；中式食品，d 點心咪就係我地日常係一般酒樓咁上下囉，不過不失啦！生滾粥係自助餐中算 ok，但唔好有任何期望，同粥鋪無得比，又係一般酒樓水準咁上下啦…，仲有雲吞麵亦如是，總之就係好普通既酒樓質素啦！此外尚有即炒小菜（好少選擇），茶餐廳好過佢。
日式食品，去百佳執份百鳥歸巢果隻咁上下級數啦；印度咖哩（當日見主要係紅咖哩），難食到暈，咪諗著話搵個南亞人仕返黎煮就叫印度菜至得架！香港大把中國人煮中菜，咩味道先？去尖沙嘴內街（阿士厘道之類）求其搵間樓上印度餐廳，好佢 100 倍！
總括而言，一開始都講左，要食到半路時，閃落街搵茶記充饑既酒店自助餐，真係唔係咁易有得你試呀！同「美女廚房」果 d 應該有得比呀！
张贴