影片
更多
2022-07-03
207 浏览
又嚟介紹特式小食喇✨！今次想介紹嘅係位於大圍一間好出名嘅街頭小食舖頭❤️。我去呢間小店嘅原因其實係因為前排見舖頭老闆有被採訪，介紹佢嘅臭豆腐🥳。我實在太耐冇食臭豆腐啦，所以都因為呢個採訪而吸引到我想去呢度食下😚，順便都有個機會可以食埋其他街頭小食🤪，當係比自己放縱下一日啦🤣。即刻同大家介紹吓佢嘅街頭小食！食物方面☝🏻#串燒豬頸肉（$30/2串）首先想介紹吓嘅係串燒豬頸肉，我本身都好鍾意食豬頸肉😚，但係因為豬頸肉有時都幾肥膩🫣，所以其實都比較少食。今次難得見到串燒豬頸肉就點都唔錯過啦，因為豬頸肉經過燒之後可以逼到好多油分出嚟👍。再加埋串燒必落嘅孜然粉同七味粉，食起上嚟都幾有風味㗎！#陳皮魚蛋（$12/10粒）跟住要介紹嘅就係另一樣點都唔會錯過嘅街頭小食陳皮魚蛋啦😍。同大家補充下，其實呢間舖頭嘅魚蛋燒賣係曾經歷過香港特色美食選舉嘅金獎㗎🏆，全因為佢嘅人氣辣汁🌶。所以佢個汁可以話係成碗魚蛋燒賣嘅精粹嚟😝。講返個魚蛋先，我覺得個魚蛋做得好彈牙😬，同埋佢個秘製醬汁真係有好明顯嘅陳皮味喺入邊😜，絕對係真材實料。#煎釀三寶（$20/5件）跟住要講嘅就係煎釀三寶啦😎，相信最經典嘅煎釀三寶大家都食過。所以
今次想介紹嘅係位於大圍一間好出名嘅街頭小食舖頭❤️。我去呢間小店嘅原因其實係因為前排見舖頭老闆有被採訪，介紹佢嘅臭豆腐🥳。我實在太耐冇食臭豆腐啦，所以都因為呢個採訪而吸引到我想去呢度食下😚，順便都有個機會可以食埋其他街頭小食🤪，當係比自己放縱下一日啦🤣。即刻同大家介紹吓佢嘅街頭小食！
食物方面☝🏻
#串燒豬頸肉（$30/2串）
首先想介紹吓嘅係串燒豬頸肉，我本身都好鍾意食豬頸肉😚，但係因為豬頸肉有時都幾肥膩🫣，所以其實都比較少食。今次難得見到串燒豬頸肉就點都唔錯過啦，因為豬頸肉經過燒之後可以逼到好多油分出嚟👍。再加埋串燒必落嘅孜然粉同七味粉，食起上嚟都幾有風味㗎！
#陳皮魚蛋（$12/10粒）
跟住要介紹嘅就係另一樣點都唔會錯過嘅街頭小食陳皮魚蛋啦😍。同大家補充下，其實呢間舖頭嘅魚蛋燒賣係曾經歷過香港特色美食選舉嘅金獎㗎🏆，全因為佢嘅人氣辣汁🌶。所以佢個汁可以話係成碗魚蛋燒賣嘅精粹嚟😝。講返個魚蛋先，我覺得個魚蛋做得好彈牙😬，同埋佢個秘製醬汁真係有好明顯嘅陳皮味喺入邊😜，絕對係真材實料。
#煎釀三寶（$20/5件）
跟住要講嘅就係煎釀三寶啦😎，相信最經典嘅煎釀三寶大家都食過。所以今次我就叫咗一啲比較新式小小嘅煎釀三寶🥰。首先想講吓嘅就係西蘭花釀魚肉，我覺得呢個配搭真係幾特別😚，西蘭花爽脆嘅口感配上彈牙嘅魚肉，喺口感上真係加咗好多唔同嘅層次😇。至於蘑菇釀魚肉我覺得都好正，個魚肉啱啱好釀咗喺蘑菇頂嘅空隙位😍，成個蘑菇都好飽肚🤣。仲有佢其他經典款嘅煎釀三寶都好正㗎！
#正宗古法臭豆腐（$15）
壓軸要講嘅就當然係我最期待嘅臭豆腐啦❤️。個臭豆腐係即炸㗎，所以都確保到佢夠新鮮✨。另外佢都會加返豆瓣醬同埋甜醬去調味🙌🏻。之後就當然講下個臭豆腐點啦🤣，首先個臭豆腐真係好大舊，咬落去係實心㗎🥳。如果揀下午茶嘅話，其實買一嚿臭豆腐食都夠晒🤤，仲要佢真係炸得好香口。佢聞落唔算好臭，都吸引到一啲未食過臭豆腐嘅人試下🤭。
評分以🌕表示（滿分為5）
賣相：🌕🌕🌕🌕🌑
味道：🌕🌕🌕🌕🌑
张贴
