ÉPURE

营业中

休息中

朋友係附近返工，話海港城開左間法國餐廳，就約埋去試下。雖然上網睇過價錢都算貴，但人一世物一世，就去睇下係咪真係一分錢一分貨啦。去到果然無令我地失望！由於我地訂左檯，一去到就有位，雖然係閒日，但都算多人。餐廳環境好modern，但又有法國情調，尤其門口道金色大閘好有氣派！d檯都好有距離感，坐得好舒服。我地一坐低，兩個waiter哥哥就比左條magic towel我地抹手，然後好細心咁問我地要sparkling water定其他飲品。左諗右諗之後，我地決定每日叫個6道菜既tasting menu，試多d唔同菜式。唔好以為法國餐一定細細碟食唔飽，其實加埋餐前小點、法包、餐後小食，我地兩個飽到捧住個肚走！好啦入返正題先，野食先係呢個dining experience既重點，每一道菜都好有驚喜！除左食材好新鮮之外，好多配搭都係之前未試過既，但又估唔到擺埋一齊咁夾，詳細就係相同caption介紹。總括黎講，呢餐係滿足又滿意既一個餐，想試法國菜既絕對要try try！