CURATOR Art & Café (已結業)

唔止打卡咁簡單！終於有機會朝K11 Musea的藝術咖啡店。 入餐廳前，職員十分有禮貌地為我地安排座位。 坐低嘅時候發現成個餐廳嘅設計都好特別，如果細心的話會發現鋪頭裏面有不同嘅crossover，如 村上隆、草間彌生嘅作品。前菜我地叫左一個烤蝦牛油果沙律。如果你鍾意食牛油果 呢個沙律就啱曬你啦， 而且沙律內仲有酸蘿蔔、青瓜、小蕃茄， 所以口感十份清新！主菜就是大蝦意粉， 上菜的時候隻碟仲係熱，呢個安排係十分窩心。首先蝦大隻得來又啖啖肉，好真材實料。蕃茄汁絕對係呢個意粉嘅靈魂， 食得出呢個蕃茄汁入面加咗唔同層次嘅香料，例如九層塔等，所以配合有咬口的意粉產生出一個化學作用，令人食慾大開。飲品方面叫咗一杯熱朱古力同熱Latte。 如果女仔第一次來我會推薦飲熱朱古力， 因為味道香濃同埋有少少甜度，會令個人開心好多。 鍾意飲咖啡嘅朋友仔都可以叫番杯熱Latte， 因為呢度嘅拉花都相當之有水準。呢間咖啡店絕對滿足到想打卡又對食物水平有要求嘅朋友 。我都好期待下次再來試其他嘅食物，希望下次會見到更加多嘅crossover作品可以欣賞！