影片
更多
2017-10-20
48 浏览
天氣漸涼，最好就係打邊爐！見漁火評價幾高，要試一試啦！我地未夠7點就到，未算多人，安排左我地坐近門口既卡位，自成一角，太好啦，大聲啲講八婆野都得！旁邊仲有幅特色牆。調味料有9款，無特別醬料，但有我最愛既芝麻！好靚既一套餐具呀！令人食都食得開心啲！我想帶返屋企！好多湯底選擇，好多都好吸引！朋友揀左花甲豬骨煲。嘩，好多料！！好大隻既花甲，好多豬骨，白蘿蔔，粟米。湯底我仲試到少少胡椒味，正！由於我兩位朋友都係纖瘦型，唔敢order太多，只係叫左8款野：牛頸脊，厚薄適中，店員仲提議我地7成熟左右就食，確係唔錯，新鮮唔韌，肉味濃厚！脆鯇片，我唔識食魚，試左一塊唔腥但覺得普通。四色丸，四款都大粒彈牙，食得出幾新鮮！墨魚丸有墨魚粒，豬肉丸入面有咸蛋，有驚喜！尤其喜歡蝦丸，有啲櫻花蝦係面，成件事多左個層次！魚片頭併魚腐，魚腐吸收哂湯既精華，好味道！響鈴，打邊爐必食之一！我估真係即炸架！因為黎到時仲係熱架！好脆又唔會太油。什菜藍都有4款蔬菜，份量OK唔細。竹蔗茅根，唔甜，其實幾清，應該無落糖水。服務：有位店員年紀較大，但佢係好細心架，主動幫我地加湯同收走食完既碟，仲面帶笑容！伯伯雖然年紀大啲，但活動自如
我地未夠7點就到，未算多人，安排左我地坐近門口既卡位，自成一角，太好啦，大聲啲講八婆野都得！旁邊仲有幅特色牆。
調味料有9款，無特別醬料，但有我最愛既芝麻！
好靚既一套餐具呀！令人食都食得開心啲！我想帶返屋企！
好多湯底選擇，好多都好吸引！朋友揀左花甲豬骨煲。嘩，好多料！！好大隻既花甲，好多豬骨，白蘿蔔，粟米。湯底我仲試到少少胡椒味，正！
由於我兩位朋友都係纖瘦型，唔敢order太多，只係叫左8款野：
牛頸脊，厚薄適中，店員仲提議我地7成熟左右就食，確係唔錯，新鮮唔韌，肉味濃厚！
脆鯇片，我唔識食魚，試左一塊唔腥但覺得普通。
四色丸，四款都大粒彈牙，食得出幾新鮮！墨魚丸有墨魚粒，豬肉丸入面有咸蛋，有驚喜！尤其喜歡蝦丸，有啲櫻花蝦係面，成件事多左個層次！
魚片頭併魚腐，魚腐吸收哂湯既精華，好味道！
響鈴，打邊爐必食之一！我估真係即炸架！因為黎到時仲係熱架！好脆又唔會太油。
什菜藍都有4款蔬菜，份量OK唔細。
竹蔗茅根，唔甜，其實幾清，應該無落糖水。
服務：有位店員年紀較大，但佢係好細心架，主動幫我地加湯同收走食完既碟，仲面帶笑容！伯伯雖然年紀大啲，但活動自如，店面幫手我相信對佢黎講唔算吃力。唔知係咪店主特登請伯伯幫手架呢？令伯伯可以自力更生，值得一讚！
價錢唔算平，但食得好滿足！
個鍋其實幾大個，我地加左一次湯就夠打到尾，唔會愈來愈淡。
今日得3位女健將試唔到好多野，下次要叫多啲朋友黎試其他款式！
走既時候已經好多人啦，下次記得要訂位！
张贴
