岩浪天扶良日本料理 (已搬遷) 新店位置

Omakase最吸引人嘅地方，就係懷著充滿著期待嘅心情，等待下一款美食送到自己眼前。我中意嚐試唔同嘅餐廳，因為無論食材、品嚐嘅款式同埋煮法都會有大大唔同嘅地方。今晚去左銅鑼灣嘅「岩浪天扶良」來一頓美味晚餐。店名「天扶良」係天婦羅嘅意思。一步進店內，已見到店內放滿一枝枝色彩繽紛嘅日本酒，裡面以簡約和風木系裝潢為主，放左唔同藝術擺設，頓時增添左優雅嘅感覺。新冠肺炎肆虐期間，餐廳貼心地為客人準備紙製口罩袋，夠哂清潔衛生。今次揀左「金」會席，另外單點幾款熱食。前菜有炸蟹鉗、多春魚同魚春。刺身四點，有石鯛、拖羅、油甘魚同鳥貝。拖羅入口即溶充滿魚油香；石鯛口感比較爽。別具特色嘅雜錦天婦羅，天婦羅粉漿好薄，炸完都唔會油膩，弓魚香脆可口，花竹蝦味濃，鮑魚嫩口鮮味。天扶良蝦餅飯：炸蝦什菜洋蔥天婦羅蝦餅，流心蛋包著天婦羅炸粉炸過，撈埋淋上特製醬汁嘅珍珠米飯黎食，好惹味！炸紫薯餅熱辣辣外脆內香軟，紫薯味道香甜。海膽貝柱撈飯飯，海膽係師傅新鮮開出黎，所以仲會有少少海水味，非常鮮甜！兩款壽司魚生好新鮮。野菜豆腐煲，有嫩滑嘅日本豆腐、娃娃菜、金針菇同埋冬粉，醬油湯底清清地中和一下之前幾道味道較濃嘅菜式。大大條鹽燒