影片
更多
2023-01-20
35 浏览
今日好難得又三五之己相聚一刻，所以一於要食好d，今次去到位於山林道嘅deep sea今次我地三個叫左深海商務套餐（2人）深海精選套餐（1人）包左沙律同餐湯，前菜分別有刺生併盆同生蠔，刺生有甜蝦、三文魚同象拔蚌，樣樣都新鮮爽口！生蠔有美國種同日本種，美國種食落非常鮮甜夠晒肥美，檸檬汁將佢嘅鮮味更加提升，日本種有醬，唔需要另外加味，食落十分鮮味爽口，正呀😋😋牛油煎大蝦煎得非常香脆，可以連殼都食埋，蝦肉爽口又彈牙煎脆皮鵝肝簡直不得了，鵝肝煎得夠晒香口，食落唔會話好漏一，鵝肝油脂比面包吸晒左，所以每一啖包都有晒鵝肝精華，一齊食真係好鬼死正😋安格斯肉眼扒（五成熟），肉質鮮嫰味濃，唔需要點汁就已經好夠味道，火喉岩岩好五成，正！而且配菜都非常好食😋草飼羊架，肉質結實但食落唔韌，而且肉味夠，又唔會太騷，成舊拎黎咬，真係好爽😍😍海鮮拉面好好食，湯底濃郁，材料又豐富，面質夠爽口，唔會淋晒，一碟簡直唔夠喉😋最後甜品叫左朱古力慕絲蛋糕同埋焦糖布丁蛋糕，2款都好好食，用黎做為今餐飯嘅結尾，非常完滿。整體黎講，食物質素高，而且唔算話好貴，值得再黎食過
今日好難得又三五之己相聚一刻，所以一於要食好d，今次去到位於山林道嘅deep sea
今次我地三個叫左深海商務套餐（2人）深海精選套餐（1人）
包左沙律同餐湯，前菜分別有刺生併盆同生蠔，刺生有甜蝦、三文魚同象拔蚌，樣樣都新鮮爽口！生蠔有美國種同日本種，美國種食落非常鮮甜夠晒肥美，檸檬汁將佢嘅鮮味更加提升，日本種有醬，唔需要另外加味，食落十分鮮味爽口，正呀😋😋
牛油煎大蝦煎得非常香脆，可以連殼都食埋，蝦肉爽口又彈牙
煎脆皮鵝肝簡直不得了，鵝肝煎得夠晒香口，食落唔會話好漏一，鵝肝油脂比面包吸晒左，所以每一啖包都有晒鵝肝精華，一齊食真係好鬼死正😋
安格斯肉眼扒（五成熟），肉質鮮嫰味濃，唔需要點汁就已經好夠味道，火喉岩岩好五成，正！而且配菜都非常好食😋
草飼羊架，肉質結實但食落唔韌，而且肉味夠，又唔會太騷，成舊拎黎咬，真係好爽😍😍
海鮮拉面好好食，湯底濃郁，材料又豐富，面質夠爽口，唔會淋晒，一碟簡直唔夠喉😋
最後甜品叫左朱古力慕絲蛋糕同埋焦糖布丁蛋糕，2款都好好食，用黎做為今餐飯嘅結尾，非常完滿。
整體黎講，食物質素高，而且唔算話好貴，值得再黎食過
张贴
