Twinkle Baker Decor (已結業)

本地品牌 Twinkle Baker Decor推出嘅「淺嚐一口午後微風」系列3.5吋蛋糕分別有2款「微風伯爵 」同 「午後摩卡」。微風伯爵＄388我就試咗呢款好有仙氣同文青感覺嘅微風伯爵。蛋糕面有用純白朱古力做嘅羽毛，仲用咗兩款不同口味嘅忌廉擠滿蛋糕嘅頂部，分別係鐵觀音牛油忌廉同原味嘅鮮忌廉。蛋糕嘅外層擠滿咗主題伯爵茶牛油忌廉 蛋糕餡方面，入面係伯爵茶慕斯配原味海綿蛋糕，中間仲夾有黃桃果肉，令茶香更顯得清新！而成個蛋糕都唔算太甜，食落有淡淡茶香，清新得嚟唔怕膩，而伯爵茶嘅茶香非常突出。係茶控一定要鍾意嘅蛋糕。