岩浪天扶良日本料理 (已搬遷) 新店位置

我有一個好好朋友生日，我哋大家都好鍾意食日本野，知道呢一間係米之蓮餐廳，我哋就book位試吓， 原來餐廳好full，我哋提早差不多一個月先至book到。所以來之前都期待萬分！來到安排入座之後，餐具放得很對板！感覺好精美！燒雪場蟹腳，蟹肉比想像中大，燒完之後不會太乾身，而且保留蟹嘅鮮甜！蟹肉一絲一絲咁食入口，份外滋味！鐵板和牛粒好juicy!! 脂肪分布好均勻，雖然未達致入口即溶嘅感覺，但反而感覺有咬口更加好！牛肉味好濃好鮮！充滿肉汁！非常好！另外仲要左一個刺身魚生飯，材料一點也不馬虎！有牡丹蝦，三文魚籽，帶子，秋刀魚，𩶘魚，赤身，章紅魚等，材料好新鮮！刺身好甜！飯唔算好多，但兩個人share一定夠食！呢一個魚生飯性價比超高！d三文魚子十分大粒，晶瑩剔透，隔住個mon都feel到佢嘅新鮮同鮮味！海膽貝柱壽司亦都喺呢度嘅名物！不過份量比想像中小，但原來已經好好口福！海膽十分creamy，有少少海水味， 超級新鮮！分量亦都一點也不吝嗇！一瓣一瓣，又香又甜！飯中間夾雜着好多貝柱 ，令到整體甜味再提昇！呢一餐又飽又滿足！職員服務好好，經常主動加水，服務亦都到位，下次會再來試其他！