FAB Kitchen (已結業)

今日去完香工入貨，去左附近工廈覓食，呢間私房菜之前都有朋友慶祝生日食過。叫完嘢食，店員就遞上烘到暖笠笠鬆軟嘅麵包，沾上橄欖油及黑醋很美味。忌廉薯蓉湯配法國珍珠蠔Creamy好幼滑，珍珠蠔鮮味十足。黑松露温泉蛋，巴拿馬芝士黑松露味道濃郁，温泉蛋蛋香味濃，加左芝士味道更香濃。法式蜆肉海鮮啫喱焗比目魚花椰菜配白酒蘑菇汁比目魚煎到外脆內軟，魚肉嫩滑，白酒蘑菇汁Creamy，醬汁和魚肉非常夾。地中海岩鹽焗m5澳洲和牛好大陣仗，首先扑開表層岩鹽，入面有牛油紙包住和牛，和牛肉味濃郁，頗具咬感。