影片
更多
2020-10-22
4442 浏览
今次同條佬過嚟食lunch，第一次過嚟食咋💕我哋事先上網book定位，本來想早一日食，但已經full哂。所以唯有改做今日食啦！⚠️上網book位要揀Dining room，唔係揀Lounge！入去Dining room，首先要經過Lounge，職員安排咗卡位比我哋坐😝卡位後面牆嘅畫都係手畫咖！卡位面向落地玻璃，可以望到出面平台同户外座位。另外，餐廳有提供Mask paper folder同濕紙巾比客人。我哋今次揀咗$498 Summer Brunch，叫咗一杯紅酒一杯白酒，每杯要另外加$88，試完後個人覺得呢度嘅白酒比紅酒好飲！每次上菜侍應都會細心介紹每道菜同煮法，更會關心客人覺得味道如何，用餐體驗係一流，感受到客人至上嘅感覺。❤️ 黑椒芝士酥&迷你Baguette 佢哋麵包係自家製，一上枱新鮮出爐仲熱辣辣😍 Baguette 相當脆口唔會太硬，配埋佢哋自家製辣牛油令個包個味提升到另一層次，麵包嘅餘溫令牛油嘅辣味揮發得更好。隔離個黑椒芝士酥真係令我好驚喜，外層酥皮好酥脆香囗，每啖都有濃濃芝士香。我見隔離枱都encore咗兩轉，可想而知有幾好味！！好食度：⭐️⭐️⭐️⭐️✨(4.5/5)❤️ Amus
入去Dining room，首先要經過Lounge，職員安排咗卡位比我哋坐😝卡位後面牆嘅畫都係手畫咖！卡位面向落地玻璃，可以望到出面平台同户外座位。另外，餐廳有提供Mask paper folder同濕紙巾比客人。
我哋今次揀咗$498 Summer Brunch，叫咗一杯紅酒一杯白酒，每杯要另外加$88，試完後個人覺得呢度嘅白酒比紅酒好飲！
每次上菜侍應都會細心介紹每道菜同煮法，更會關心客人覺得味道如何，用餐體驗係一流，感受到客人至上嘅感覺。
❤️ 黑椒芝士酥&迷你Baguette
71 浏览
0 赞好
0 留言
好食度：⭐️⭐️⭐️⭐️✨(4.5/5)
❤️ Amuse Bouche - Melon
103 浏览
0 赞好
0 留言
60 浏览
1 赞好
0 留言
味道好清新，面層有蜜瓜泡沫，口感輕盈。底部有少量切碎嘅蜜瓜粒同辣肉腸粒，辣肉腸粒有油香又有嚼勁，又甜又辣配搭新穎。
好食度：⭐️⭐️⭐️⭐️(4/5)
❤️ Paris Mushroom Soup 巴黎白蘑菇湯
64 浏览
0 赞好
0 留言
呢個係佢哋嘅signature dish！佢哋呢個湯係無落水，只係用cream同大量巴黎獨有嘅蘑菇去煮，所以每啖都係飲緊蘑菇嘅精華。口感好creamy好細滑，飲得多仲有少少回甘。嫰菠菜gnocchi口感軟糯，為個湯增加咗口感。
好食度：⭐️⭐️⭐️⭐️(4/5)
❤️ Lobster 龍蝦 (supplement +$98)
63 浏览
0 赞好
0 留言
龍蝦爽滑彈牙；雪葩味道清新，有陣陣薄荷味，再配上蕃茄好清爽醒胃，係夏天嘅味道。
好食度：⭐️⭐️⭐️(3/5)
❤️ Chicken Female “Mieral” 法國母雞(supplement +$98)
54 浏览
0 赞好
0 留言
分別用咗唔同嘅煮法去烹調隻雞，無皮嗰塊係用慢煮方式去烹調，口感嫩滑，好似食緊豆腐咁滑，本身無咩調味，主要靠個汁去吊味。連皮嗰塊係烤雞髀肉，外皮焦脆肉質鮮嫩，好香口。另外仲有配埋紫薯蓉、紫薯脆片同菇。
好食度：⭐️⭐️⭐️(3/5)
❤️ French Steak 法國牛扒
51 浏览
0 赞好
0 留言
侍應建議medium rare，我就叫咗medium。牛扒好香炭燒味同肉味，不過有少少韌。整體屬於正常發揮，可能轉和牛會更加好。魚粒都幾醒，要點汁中和下腥味。
好食度：⭐️⭐️⭐️✨(3.5/5)
❤️ Soufflé 橙酒梳乎厘
42 浏览
0 赞好
0 留言
梳乎厘形狀perfect🤩橙酒味濃，梳乎厘有空氣感且輕盈，食多啲都唔膩，但食到一粒粒砂糖。隔離個雪葩偏甜，可以放入梳乎厘一齊食。
好食度：⭐️⭐️⭐️⭐️(4/5)
❤️ Chocolate，Raspberry 朱古力，紅桑子
41 浏览
0 赞好
0 留言
35 浏览
0 赞好
0 留言
外形好適合打咭，外層包住嘅係紅菜頭汁做嘅脆皮，好有神秘感。內層係有紅桑子sorbet，新鮮紅桑子同chocolate paste，紅桑子嘅酸同朱古力嘅甜互相balance。
好食度：⭐️⭐️⭐️(3/5)
❤️ Petit fours
37 浏览
0 赞好
0 留言
好食度：⭐️⭐️✨(2.5/5)
餐廳推薦度：⭐️⭐️⭐️⭐️(4/5)
以法國菜嚟講，價錢唔算貴。食物質素大致上係高，可以感受到主廚對食物嘅注重，唔會浪費食物。用餐體驗同服務都一流，唔會令你食得好拘謹，侍應會主動同你傾計，係一個輕鬆愉快嘅Fine dining experience！
张贴
