ÉPURE

营业中

休息中

星期六中午，嚟到尖沙咀食法國菜，餐廳位置比較吊腳，雖然位於海港城，但係位置有啲難搵，不過絕對值得。經過lounge入到餐廳，餐廳佈置非常靚，令人食都食得開心啲。加上服務一流，我哋嘅waiter好細心，知道我哋同行有一位唔食牛，專登為我地推薦其他菜式，除咗細心嘅服務之外，佢更加係一位sommelier ，為我地介紹去咗合心意嘅酒！一坐低佢就為我地送上餐包，餐包有法式baguette，亦都有一個有pepper嘅餐包，兩個都非常好食。餐前小食係由椰菜花打成嘅前菜，配上pomegranate ，非常開胃。Appetizer方面，我哋就試咗出名嘅蘑菇湯，蘑菇湯完全冇落水，只係用蘑菇打成，非常非常之好飲。另外我哋都試咗beef tartare，可惜佢落得太多vinegar，有啲過酸。主菜方面就試咗pork belly同魚。兩樣都好岀色！特別係魚，佢做到皮脆肉嫩，真心推介！而甜品係souffle同雲呢拿雪糕，兩個都用上新鮮雲呢拿籽，好香vanilla味！