岩浪天扶良日本料理 (已搬遷) 新店位置

同朋友約左銅鑼灣食飯，佢話帶我去成棟樓都係日本菜試一間叫岩浪既居酒屋。一入到去，環境唔係太大但係格局分得好好，右邊係可以俾大圍人坐同師傅傾計，左邊就係幾張細台，可以安靜同人傾計。打開menu，我朋友已經尖叫出黎，好多自家菜色，佢都想試。我地一開始先點左個三文治刺身，四件厚切三文魚上到黎睇個樣就知肥美。雖然得五件，但係你唔會覺得唔夠喉，每一件食落去都好新鮮好juicy，一人兩件已經好滿足！之後上黎牡丹蝦，好有心思既裝飾，唔影低唔得。蝦都幾大隻同新鮮。繼而就上左我fd最期待既特別創作sushi。和牛、櫻花蝦同迷你瀨尿蝦sushi，和牛真係入口即溶，好重牛味！！第一次試瀨尿蝦sushi，哈哈 都幾得意，爽口！配合左櫻花蝦口感係多d層次！嘻嘻 我最後encore多一件和牛sushi，正！🤤今晚最期待既海膽帶子撈飯簡直係有樣有內涵！滿滿既海膽汁令到d飯粒粒香同tender集於一身！裡面既袋子可以中和返強烈既rich海膽味！簡直大滿足！海膽迷一定唔可以唔order呢個。最後發現原來蟹銅鑼燒做緊promo，d蟹肉都幾多再加上熱辣辣既汁，好特別！加上有蛋白既幫助，成件事好似個甜品咁，又溫柔又溫暖既體驗