반찬앤쿡 Banchan and Cook (東薈城名店倉)

营业中

休息中

好耐無去過東薈城名店倉！今日難得入黎行下街當然要食埋飯先走。我同屋企人都好鍾意食韓國野，所以好快就揀好左食咩。豬手沙律：餐廳已經好貼心將豬手切件，方便客人食用！豬手口感爽口彈牙，豬味道濃郁而且味道不會過鹹或淡，配上沙律可減低豬手油膩感，食多幾舊都無咩罪惡感。泡菜燉五花肉蛋包飯：蛋包飯的買相非常精緻！！切開外層的蛋包後裏面嫩滑的蛋漿隨機流出蛋香四溢，配上五花肉和泡菜味道非常開胃。火山無骨炸雞：炸雞外脆内嫩，加埋軟糯Q彈的年糕口感非常豐富！而且呢個炸雞係無骨的，啖啖肉食得非常開心朱古力棉花糖：棉花糖燒熔好似食緊溫熱的雪糕一樣，甜甜的令人心情都變得開心。最後叫左玫瑰紅桑子沙冰同士多啤梨紅桑子梳打，兩杯飲品就非常漂亮，而且紅桑子對女性非常有益，味道酸酸甜甜又開胃。