古今二 (觀塘工業中心)

营业中

休息中

觀塘越黎越多野食，特別係D工廠大廈內，可能租金比地鋪平，好多時都找到D性價比高的餐廳。今次就黎到觀塘工業大廈內的古今二，試下日本野。甜蝦柚子沙津沙律份量都唔少，甜蝦味道鮮甜，沙律菜都美味爽口，仲有切粒既牛油果，其他配料都同樣出色，前菜來說非常開胃。今次叫左三款卷物，餐廳將佢擺晒一齊，擺盤做得唔錯呀，幾有藝術感。彩虹卷以蟹柳、牛油果、青瓜，及刺身魚作配搭，今次餐廳則用了三文魚、吞拿魚、劍魚。幾款都做得唔錯，牛油果同青瓜使到卷物食落都幾清新，唔錯呀！！！  蜘蛛個名好特別，但其實係牛油果軟殼蟹卷既豪華版。軟殼蟹炸得香口，配上牛油果清新軟滑嘅口感，如果牛油果更多就更好。辣妹呢個同樣係芝士炸蝦卷的豪華版，卷物除左炸蝦外，配上吞拿魚蓉。食落炸蝦都好脆口，成個味道配合吞拿魚蓉都好惹味。值得encore。燒茄子日式整法加入唔少醬汁，茄子上亦鋪滿櫻花蝦，但如果醬汁加少許辣味，會更好。