鋿晶館

营业中

休息中

今日黎到上環中餐館，6點半已經好多訂左位既客人入座，聽聞呢度既師傅曾係日本高級餐廳任職，好多名人都係餐廳既顧客，回港後亦係多間米芝蓮酒店及大型連鎖酒樓集團做主管，經驗豐富。金沙咸蛋大蝦球，非常鮮美，蝦球大隻，金沙咸蛋調配得宜，唔會搶過蝦既鮮味但又有陣咸香。黑松露菇菌炒蛋白，好香既黑松露味，炒蛋白好大碟，亦都好綿滑，菇菌有好幾款，送飯之選。燒鵝，超有油水，鵝肉算嫩滑，肉亦肥美有厚度，皮亦烤得香脆姬松茸雞腳瘦肉燉湯，湯清得黎夠味，有雞腳瘦肉令個湯清甜，姬松茸大大粒，每碗都好足料，燉湯既盅亦非常精緻高貴。好多款菜式都幾特別帶點新派，屬自家製品牌，食材都新鮮高質。呢度既部長同姐姐服務態度都好好，唔會待慢每位客人。