麺屋こころ (軒尼詩道)

营业中

休息中

不是拉麵，也不是沾麵，而是撈麵，我帶著懷疑地去一試呢間拉麵店。一坐低已經比佢嘅裝修嚇一嚇，雲石枱、金屬餐具、玻璃杯，完全唔係拉麵嘅感覺。創意路線玩到咁大，唔通我仲叫傳統嘅湯底雞白鹽味咩，冇意思，所以我叫咗個明太子忌廉撈麵(L)，試一試到底咩料。一嚟到好靚嘅擺盆，仲安排咗四個步驟比你體驗唔同嘅層次，特別撈麵呢個過程十分有趣，好似同師傅一齊合作完成呢一碗拉麵咁。味道嚟講，個人覺得明太子唔夠明顯，有少少比其他配料搶左focus，粗麵麵質80分，叉燒太過肥。但整體味道係好夾！食到一半可以試下落佢提供比你嘅胡椒同醋，再一次，我分唔清楚到底係食嘅拉麵定係意粉，原來我食緊嘅係一個打破框架嘅問題：「到底，什麼是拉麵？」有一點必須要讚，師父嘅精準計算：喺你食完成個撈麵之後會仲有少量嘅汁，可以問佢攞白飯，份量係啱啱好畀你撈埋淨返嘅汁唔好浪費，完滿結束😋要檢討嘅地方係店員好唔熟手，先係幫我落錯咗單，再將隔離點個碟小食比錯咗我。另外就係隻碗太過輕，撈嘅時候經常會企唔穩，搖嚟搖去好尷尬。