李家 (山林道)

营业中

休息中

今日出開柯士甸做野，又落雨，行過山林道，見到上次食過既荃灣李家，呢到都有，好掛住佢個炸雞同芝士雞蛋卷，就同同事入左去。正宗韓國人，入單既姨姨都係講韓文，好地道。由於得2個人，我地叫左份炸雞，呢到好好，可以拼2隻味，簡左上次試過輕微嘅蜂蜜蒜蓉味，上次我想試，試唔到嘅粟米炸雞。$241黎到唔止熱辣辣，一咬開好多肉汁，而且入邊啲肉好滑好入味。蜂蜜蒜蓉甜甜地好好味，粟米味入面仲有幾截粟米，好好食。芝士雞蛋卷同上次一樣咁好味，好香蛋味，一切開見到一層層，好考功夫，中間仲有芝士拉絲。兩杯梳打，士多啤梨好似食緊糖，檸檬好清，好解喝。