天龍燒鵝 (新禧大樓)

营业中

休息中

灣仔開咗一間由米芝蓮2星天龍軒燒味部主廚所開嘅燒味舖。今日行過就試吓佢哋啲燒味如何。入面一櫃風乾緊嘅燒鵝，廚房入面火光熊熊，不斷燒緊乳豬同燒鵝。不斷有客出出入入，非常好生意，好在都搵到個位坐。燒鵝、乳豬就必叫，當然仲有要試下叉燒喇。仲可以點「肥燶腩叉」。燒鵝皮薄唔油膩，而且肉質非常之嫩，一咬爆汁。聞落仲好香添。乳豬皮就一定脆，估唔到D肉仲咁滑，已經將骨起咗，食得好方便。肥燶腩叉淨係見過賣相已經流口水，係米芝蓮餐廳要賣成$400一碟，呢度¼價錢已經食到。隔肥隔瘦，肥肉爽瘦肉淋，蜜汁香甜，唔怪得知周圍啲人好多都叫呢樣嘢食。