影片
更多
2018-01-31
125 浏览
好耐冇食過辣野，最近天氣甘凍，一於約埋好朋友一齊去食川菜。地點揀左駿景軒，因為身邊朋友食過都話質素好好，而且仲係米芝蓮餐廳，甘就梗係要試試呢到既裝修唔算好華麗，反而幾清雅，枱同枱之間好闊落，就算隔離枱嘈D都唔駛怕。口水雞(小) $158前菜叫左個口水雞，雞係咸雞，即用鹽醃過再蒸，所以雞身會好滑同帶有少少咸味~佢個辣油好香，辣味同麻味都好平均，而且係另上，食唔到辣既朋友都唔駛怕啦~例湯 – 土伏靈湯 $88/位多口問句佢地是日例湯係咩，竟然係土伏靈，平時係街真係好少見有得飲，所以同朋友一人黎一碗，用料十足，個湯好甜，帶少少藥材味，飲完真係成身又暖，喉嚨又舒服!酸菜桂魚片 $308酸菜魚好有質素，第一魚片岩岩熟，十分之滑，而且唔有浸泥味。二黎個酸菜唔會太酸，好似食緊醋甘，個味係岩岩好，令人愈食愈想食，份量亦唔細，2個人食岩岩好。胡椒蝦 $428呢個胡椒一上枱真係香到不得了，每隻蝦都先走過油，所以連個殼都脆卜卜好好食。望落甘多胡椒好似有D得人驚，但其實D胡椒係完粒，唔會好辣，但D香味又比隻蝦吸哂，真係好特別~擔擔麵 $192本身想叫白飯，不過店員介紹話呢到既擔擔麵唔錯，好啦，一於試下。但最後
一於約埋好朋友一齊去食川菜。
地點揀左駿景軒，因為身邊朋友食過都話質素好好，
而且仲係米芝蓮餐廳，甘就梗係要試試
呢到既裝修唔算好華麗，反而幾清雅，枱同枱之間好闊落，就算隔離枱嘈D都唔駛怕。
口水雞(小) $158前菜叫左個口水雞，
雞係咸雞，即用鹽醃過再蒸，
所以雞身會好滑同帶有少少咸味~
佢個辣油好香，辣味同麻味都好平均，
而且係另上，食唔到辣既朋友都唔駛怕啦~
例湯 – 土伏靈湯 $88/位多口問句佢地是日例湯係咩，
竟然係土伏靈，平時係街真係好少見有得飲，
所以同朋友一人黎一碗，
用料十足，個湯好甜，帶少少藥材味，
飲完真係成身又暖，喉嚨又舒服!
酸菜桂魚片 $308酸菜魚好有質素，
第一魚片岩岩熟，十分之滑，而且唔有浸泥味。
二黎個酸菜唔會太酸，好似食緊醋甘，
個味係岩岩好，令人愈食愈想食，
份量亦唔細，2個人食岩岩好。
胡椒蝦 $428呢個胡椒一上枱真係香到不得了，
每隻蝦都先走過油，
所以連個殼都脆卜卜好好食。
望落甘多胡椒好似有D得人驚，
但其實D胡椒係完粒，唔會好辣，
但D香味又比隻蝦吸哂，真係好特別~
擔擔麵 $192本身想叫白飯，不過店員介紹話呢到既擔擔麵唔錯，
好啦，一於試下。
但最後係有少少失望既，
個麵底本身好滑，其實幾好食，
但弊在個湯底唔夠花生，香味唔夠，
希望店家可以改進下~
仲有一點要改善既係STAFF既態度，
例如我地話水唔夠熱，麻煩換一換，
但佢竟然話OK呀，唔凍呀，
同埋RECEPT姐姐都好無笑容，問多句野都唔想答甘，
雖然只係有一兩個STAFF有問題，
不過就已經可以破壞左用餐氣氛。
除此之外，成晚既菜式都幾有驚喜，
如果唔想再食粵菜，但又想食中餐，
呢到都係幾唔錯既選擇。
张贴
