漁正居酒屋 (已結業)

佐敦地鐵站一分鐘路程。木系裝修，簡單樸實既一間居酒屋。✨日本蕃茄蕃茄幾鮮甜，加埋芝麻醬汁，開胃既冷盤前菜。✨柚子鹽燒白鱔白鱔肥美，個皮燒得好香脆。加上淡淡柚子味，幾好味喎，感覺清新。✨豬天梯豬天梯，即係豬既上顎。第一次食，好有驚喜，又彈牙又爽脆，讚🙌🏻✨露筍豚肉卷串外層薄薄既豚肉有好濃郁沖香，中間包住爽脆既露荀，口感讚，亦中和左油膩感。✨雞皮餃子以雞皮取代餃子皮，外層金金黃黃，口感煙韌帶點脆口。肉饀多汁，好味。✨鹽燒鯖魚外皮香脆，魚肉嫩滑。喜歡加少少檸檬汁食🙌🏻✨特選牛肉火鍋湯底係壽喜燒，好濃好甜。牛肉雖偏細塊，但非常香，幾乎入口即溶，好好味。其他配料包括豆腐、娃娃菜、冬菇、粟米仔。✨黑糖厥餅厥餅彈牙，帶淡淡黑糖味，不會太甜。外層黏滿黃豆粉。✨原味乳酸✨巨峰提子梳打兩杯都好夠味好醒神，唔會過甜。味道方面更喜歡後者。