大班樓 (已搬遷) 新店位置

大班樓 The chairman早一個月前已經要訂定嘅餐廳，因為夾唔到時間，所以最後我都係食晏晝。如果有興趣記得有啲菜式係需要預訂啊🗒🦀花雕雞油蒸花蟹一向我都麻麻地酒類煮嘅野食，但係呢個花雕好濃，雞油好香，沾咗汁嘅陳村確係會另人食完一條又一條嘅😋🐷話梅肉桂糖醋排骨待應好細心幫我地安排一人一條，炸漿好薄但炸得好脆而不油膩，糖醋甜酸度都適中，好均勻咁掛喺排骨上面，盡顯師傅功架👍🏻🍞大班樓臭豆腐臭豆腐喺香港買少見少，呢度嘅臭豆腐喺上菜時係聞唔到好大陳味。當咬開後，一陣臭得黎又香嘅味道成個口都係。佢地嘅豆腐係加咗咸魚同馬蹄，將一舊細細嘅臭豆腐再添多兩層唔同嘅𡁻口，豆腐外層炸得酥脆、入面發酵嘅豆腐一粒粒、咸魚再多一陣鮮咸香、馬蹄爽口清甜。🐔慢煮乾葱煀滑雞葱炸得好香，用嚟送飯一流。慢煮嘅雞，岩岩好熟，但對我嚟講就有啲生。🍚三蝦炒飯🦐🦐🦐飯炒得好好，好乾身，故其名用咗蝦乾，鮮蝦同蝦膏炒，粒粒分明，好好鑊氣！一啲都唔油，值得推介👍🏻其實我仲有叫其他野食，比啲相大家作參考☺️ 龍井菊花燻乳鴿 魚湯腐皮浸時菜 杞子雪糕