268
29
11
| 餐厅: | 大班樓 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
港铁上环站 A2 出口, 步行约5分钟
继续阅读
电话号码
25552202
开饭介绍
星级粤菜餐厅，餐厅以顶级有机食材炮制一系列传统及新意兼备的中菜，招牌作包括鸡油花雕蒜花蟹和羊肚菌炆腐皮等手功菜。
继续阅读
奖项殊荣
米芝莲一星餐厅 (2021-22), 亚洲50最佳餐厅 (2017-2021)
营业时间
星期一至日
12:00 - 15:00
18:00 - 22:30
以上资料只供参考，请与餐厅确认详情
食家推介
招牌菜
相关文章
食记 (335)
究极难BOOK中菜😵亚洲五十大NO.1宝座😲人气话题度最高嘅中菜🤩🫶🏻大班楼🫶🏻「时间只有这么多，叫安歌会否比较傻」，无论人同食物，都系讲求绿分，散聚有时，如果要讲到香港边一间中菜最令人怀以忘怀，系我心目上排名榜第一位嘅非大班楼莫属，依稀记得2021年初访大班楼已经荣获亚洲五十大NO.1嘅宝座，已经全城热话，一位难求，后来改变预约制度及识人好过识字系列先可以订到晚餐位置后已经再无缘寻味!大班楼之后再拎埋米芝连一星，无论假日平日，午市晚市都已经订无可订，只能每几个月留意官方IG开放预约时间，每次预约都好似抢演唱会飞落足心力先有机会订到一席。为左应付庞大食客需求，佢地都由九如坊搬迁到新铺，机缘巧合之下，终于有机会可以再次品尝到香港中菜界传奇热门店，相信大家都惊期望度拉到好高，但实际食落不外如是，可以帮大家定下惊先，首先，大班楼虽然声名显赫，但系价钱对比其他星级米芝莲中菜嚟讲。系走性价比亲民路线，无论午市晚市散叫套餐都相差不大，人均5-800位都已经可以捧腹离场。1.炭火第一刀叉烧4.8/5⭐️时不宜迟，前菜就系一道极之珍贵炭火第一刀叉烧，肥瘦适中不在话下，厚切叉烧嘅口感满足兼夹且有住住些微炭烧焦脆，系一道非常满足嘅前菜，唯一美中不足系每人只分配到一件，更需要提前预订，唔系就无机会试到依道招牌之一嘅名物。2.香酥七味羊肋骨4.3/5⭐️第二道嘅羊肋骨，非常香酥，建议大家分低仪态，直接用手，入口唔需要用力已经可以做骨肉分离嘅效果，我地食到齿甲留香，回味无穷。3.海盐葱油贵纪鸡4.3/5⭐️大量葱油淋起贵纪鸡上面嘅卖相已经令人食指大动，加上每件鸡都非常嫩滑，不过对比上次到访食过嘅另一招牌名物慢煮干葱煀滑鸡(4.9/5⭐️)略嫌唔够惊喜，好多时都听到鸡有鸡味，鱼有鱼味依句废话，但系依度嘅慢煮干葱煀滑鸡真系做到鸡有鸡味依个名符其实嘅效果，令人一试难忘，系我系香港迄今为止食过最好味嘅鸡。4.脆皮百花鸡3.9/5⭐️依道菜第一次到访时告知需要预订先有，今次第二次到访当然提早预订，佢其实并唔系普通嘅鸡，简单嚟讲就系脆鸡皮酿入虾胶模彷返成鸡件，都系心机功夫菜，难怪要提早预订先可以品尝，不过可能系今日叫左两道鸡，鸡件脆皮但虾胶唔太够弹，依味反而略嫌无甚惊喜，不过不失，一次就算。5.招牌鸡油花雕蒸花蟹配陈村粉4.3/5⭐️大班楼依个招牌菜伴随住亚洲五十大No.1之后就享负盛名，唔试佢依个招牌鸡油花雕蒸花蟹，都唔好同人讲嚟过大班楼，盛名之下，两次到访都有叫到依道名物，老实讲，第一次到访可能期望值太高，上菜摆盘非常吸晴夺目，打卡一流，怀住兴奋心情当然即刻食之而后快，但入口一刻就发觉花雕酒味盖过咗蟹同鸡油嘅鲜味，令到索汁嘅陈村粉被酒味掩盖，稍稍扣分，当然，蟹嘅质素好高，无乜挑剔。而第二次到访，与友人闲谈间都倾起上次食花雕蟹嘅经历，细心嘅侍应都有听到我地嘅讨论，好贴心地帮我地同厨房沟通依个情况，而第二次到访嘅鸡油花雕鸡果然正常水准发挥，无被酒味盖过鲜味，依个菜式都仍然系每次到访必点嘅。6.蟹肉燸米饭4.9/5⭐️同样算系半隐藏餐牌，只有出现系套餐，即场散叫系无得点嘅，但系可以提前预订，经过咁多道精美𩠌菜嘅洗礼，我地都已经心满意足，但估唔到，成餐饭嘅高潮，竟然系依盘蟹肉燸米饭，侍应提前捧上俾我地打卡同过目之后就帮我地平分，外表普通平凡嘅燸米饭，大家本身以为只系填饱肚嘅水准滋味，但系依碗燸米饭嘅蟹肉鲜甜同燸米饭融合得非常恰到好处，而且蟹肉份量多到每一啖饭都有蟹肉，令我地食完一碗之后即刻意犹未尽，急不及待添饭，为依餐星级寻味之旅划上完美句号。-总结:大班楼由2021年获得亚洲五十大餐厅NO.1之后风头一时无俩，及后更上一层楼夺得米芝莲一星，餐厅格局并非走奢华路线，似系高级私房菜格局更多，依度唔似其他三星中菜咁无微不至，但餐厅食物水准同性价比相对之下更加系实而不华，令人记忆更加深刻，念念不忘，我亦都非常期待下次再访!====大班楼中环九如坊18号地下(旧址)中环威灵顿街198号The Wellington3楼==== #中环美食 #大班楼 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相机食先 #香港美食#星级寻味====
继续阅读
今日上午第一轮与家人享受咗潮州午餐。到晚上就与表哥、表嫂来一个四人粤式中秋晚饭。大班楼闻名已久，总是未有机会品尝，今晚表哥相约见面来个聚餐，当然求之不得啦👏🏻👏🏻👏🏻👏🏻👏🏻👏🏻👏🏻👏🏻茘芋鸭盒望落去好似饮茶嘅茘角，原来里面系粒粒鸭肉，芋皮十分松脆，芋肉入口溶化，香滑👍🏻咸柠檬蒸蛏子蛏子新鲜，粉丝放面加上数条咸柠檬丝，食落唔系盐、豉油嘅咸味，而系咸柠檬丝嘅咸及蛏子嘅鲜味，特别。炭火厚切叉烧差不多有成寸厚，肥瘦，甜味适中，冧得嚟仲有咬口，好彩每人一件，冇得争嘢食🤣🤣鸡油花雕蒸花蟹配陈村粉卖相吸引，上枱已经闻到花雕香味。咁大只花蟹，蟹钳肉结实，陈村粉吸收哂D花雕酒，食完一碗粉就好似饮咗花雕酒😵💫😵💫刴椒咸菜蒸龙趸头配鲜虾饺子同花雕蒸蟹一样，上枱已经好瞩目。推开刴椒咸菜见到半个鱼头，好大，好大，好大⋯⋯师傅控制蒸鱼嘅时间十分准成，虽然好厚肉，全部都系紧紧熟冇 over ，肉质非常嫩滑。饺子入口麻香扑入喉咙，麻、香、辣、鲜味同时间在口腔散发。厚厚嘅龙趸皮十分弹牙及黏口，由此证明用料上乘及非常新鲜👍🏻👍🏻👍🏻👍🏻😋😋😋😋樟木烟熏鹅虽然有点干身，但鹅味道浓郁，烟熏香气扑鼻。鱼汤腐皮浸时菜腐皮滑，菜心份量唔多加上白果油炸鬼点缀蟹肉樱花虾糯米饭半笼蟹肉拌糯米饭，蟹肉甜，糯米饭除了有腊味味道，配上蟹肉及樱花虾增添鲜味。杏仁茶+杞子雪糕杏仁茶可以浓味多一点，但仍颇滑。杞子只是点缀，但雪糕食唔到杞子味道。
继续阅读
绝对抵食过Omakase!!! 系度食咗成3个钟，侍应每款都慢慢介绍，由材料烹调到食法都识背，好劲！唔怪得要book半年先食得，真夸张🤤本来无谂住去食，但突然见到有得book后日，就狗冲去😆食个lunch 都过千一个系贵，但见到母亲大人食得咁开心咩都值！佢老人家咁岩呢个月生日，时间岩岩好💯最好食系佢个招牌蟹，真系啲汁加埋个粉皮超好食。侍应建议我除咗叫个餐再加个炒饭同鸡，的确系超好食但我地跟本饱到食唔晒要打包，拎到返去做埋晚餐，掂💪🏻
继续阅读
#top50restaurantsinasia 大班楼 大班楼 The Chairman Restaurant要搬家啦⋯⋯thanks @natfu invites us临别秋波，九如坊旧址食埋最后一餐。今晚食咗好多好野， #炸臭豆腐 配埋个 #秘制酱， 简直绝配， 侍应叔叔仲好好人， 俾多碟我哋😅招牌菜 #花雕蟹陈村粉 必食， 花雕味够浓， 花蟹爆肉， 陈村加埋秘制酱， 锦上添花。一定要介绍大家 #脆皮猪尾， 先慢煮卤猪尾再炸， 外皮脆得均匀， 对面卤到入味， 肥膏一啲都唔腻。一碟就系一只猪尾😱 就咁冇左五只猪！再来 #红烧乳鸽 ， 卤水再烟薰过乳鸽， 食落好香👍🏻#剁椒鱼头 啖啖骨胶原#蜂巢芋泥烟鸭盒 好味到板板声，芋泥够多，配埋鸭松，功夫菜！最后来个 #梅菜扣肉煲仔饭梅菜够香， 扣肉唔腻，加埋饭焦，教我如何不吃它？老牌饭店， 侍应都是老手， 所以服务都好掂👍🏻要同旧店讲bye bye 啦⋯⋯寄望新店book 到位啦！ #hkig #hkfoodie #foodblogger #hkfoodblogger #foodporn #michelinguide #hkrestaurant #tophongkongrestaurants📸 by @natfu
继续阅读
大班楼难book位就系人都知难得有朋友book到位即刻过嚟试吓佢啲嘢食一行六个人到约定时间就可以即刻入座唔驶等好耐！不过餐厅位置有啲偏远所以地铁站行过去要多少少时间但为咗呢一餐几远都照行入到去即刻拣佢哋最出名嘅嘢食花雕蟹肉陈村粉真系冇得输有浓浓嘅酒香味陈村粉吸晒汤汁嘅精华真系好好食～臭豆腐都系必食外层炸到好酥脆叉烧肥瘦适中而且又有焦香味🤤本身以为米芝莲餐厅一定会劲贵点知价钱都okCp 值真系好高🎉
继续阅读