港畔餐廳 (已結業)

好多謝肥比令我既黑仔月咁幸福喔﹗準時十二點開席，係lobby落一層，地方唔算太大，但係對住個海食午餐\都唔錯呀﹗仲望到香港唯一剩底既帆船添呢…食物檯分三張，首先由冷盤開始，有三款生蠔俾你揀﹑長腳蟹﹑帶子﹑青口﹑青螺﹑卷到好似朵花既煙三文魚好幾款既沙律同埋刺身﹑壽司﹗全部都好新鮮﹗正﹗熱辣辣既有片皮鴨即場為你包好，一盅盅既灌湯餃，但係手快有手慢冇，當我同朋友見到已經係人地手上既最後一盅真係失望…叉燒﹑燒雞﹑牛肉球﹑中式排骨﹑搖柱西蘭花都有得食，印度薄餅周圍有好多咖哩同埋醬俾你點嚟食，串燒﹑炸蝦餅﹑蝦天婦羅…湯都有兩種，薏米忌廉湯我覺得一粒粒既薏米加埋滑一滑既忌廉湯食落好得意呀﹗同唔記得咩既乳鴨湯朋友話好清同埋最緊要唔油嘛﹗甜品…嘩…好好味呀﹗有兩個好好人既師傅幫你\"匹\"紅豆沙﹑豆腐花﹑雪糕，雪糕有好多種口味，仲有好多配料俾你加入雪糕一齊食﹗pancake好薄又唔油膩，師傅仲會幫你加入好多生果跟住你可以係面加上自己鍾意既醬﹗所有方係度既無論一杯杯既啫喱定係一個個既蛋糕或者係一件件既撻仔都十分精緻兼好味美﹗咁大個人覺得呢次係最多選擇既buffet，食物又夠水準，我同朋友都覺得下次食buf