更多
2023-05-09
102 浏览
好耐之前已經食過鮨一係荃灣既分店,印象中幾好唔錯,上open rice先發現原來係尖沙咀都有分店,即刻book黎再試下。上到去見到餐廳接近full house,黎之前記得要book位。〈日本蘋果沙律〉我地首先叫左個沙律作為前菜。除左沙律菜,上面仲有蘋果絲同蟹籽。蘋果好鮮甜同清新,切成絲口感爽脆,好食過平時用青瓜絲做既沙律好多。〈真明鰹(薄切)〉雖然係薄切,但都食得出魚既肉質非常結實,口感帶少許黏糯,味美鮮甜。師傅介紹食果時要配埋上面既洋蔥同海苔絲,會令味道更有層次。〈日本真蠔—米琦蠔〉生蠔接近手掌咁大隻,肉質肥美,帶淡淡海水味。上面有柚子啫喱,味道清新,夾埋生蠔一齊食更加帶出蠔既鮮味。〈免治雞肉、和牛粒串、煙肉荔枝卷〉免治雞肉外層燒得微微香脆,點埋蛋黃漿一齊食,入口質地更嫩滑。和牛粒肉質柔軟,牛味濃郁,有肉汁好juicy。煙肉荔枝卷見就見得多,但真係第一次試。估唔到荔枝配煙肉味道係咁夾,荔枝既甜味完全中和左煙肉既鹹味。〈鮨一手卷、吞拿魚牛油果手卷〉我地另外叫左兩個手卷,手卷大大份好足料!鮨一手卷有我最鍾意既海膽,吞拿魚蓉同埋三文魚籽,上面仲有金箔點綴,淨係賣相已經好吸引。海膽口感Cre
〈日本蘋果沙律〉
我地首先叫左個沙律作為前菜。除左沙律菜,上面仲有蘋果絲同蟹籽。蘋果好鮮甜同清新,切成絲口感爽脆,好食過平時用青瓜絲做既沙律好多。
〈真明鰹(薄切)〉
雖然係薄切,但都食得出魚既肉質非常結實,口感帶少許黏糯,味美鮮甜。師傅介紹食果時要配埋上面既洋蔥同海苔絲,會令味道更有層次。
〈日本真蠔—米琦蠔〉
生蠔接近手掌咁大隻,肉質肥美,帶淡淡海水味。上面有柚子啫喱,味道清新,夾埋生蠔一齊食更加帶出蠔既鮮味。
〈免治雞肉、和牛粒串、煙肉荔枝卷〉
免治雞肉外層燒得微微香脆,點埋蛋黃漿一齊食,入口質地更嫩滑。和牛粒肉質柔軟,牛味濃郁,有肉汁好juicy。煙肉荔枝卷見就見得多,但真係第一次試。估唔到荔枝配煙肉味道係咁夾,荔枝既甜味完全中和左煙肉既鹹味。
〈鮨一手卷、吞拿魚牛油果手卷〉
我地另外叫左兩個手卷,手卷大大份好足料!
鮨一手卷有我最鍾意既海膽,吞拿魚蓉同埋三文魚籽,上面仲有金箔點綴,淨係賣相已經好吸引。海膽口感Creamy,味道鮮甜。至於吞拿魚牛油果手卷都唔錯,呑拿魚同牛油果既味道好夾,值得一讚既係師傅將吞拿魚粒切得偏大粒,咁就更有咬口。
食完啲生冷野就想食啲熟食暖下胃,唔好睇佢其貌不揚,原來食落味道都好有驚喜。味噌湯底清甜可口,牛舌粒煮得好淋身,索晒湯底既精華,煮得非常入味。
张贴