第一郡 (已搬遷) 新店位置

上網見都好多人都大讚呢間野，所以就同朋友夜晚黎試下。第一次去果陣冇睇清楚就去，結果撞正店鋪星期一休息日摸門釘。今次終於有機會試到！平日夜晚8點幾去到，估唔到都要等位，可能係因太受歡迎haha。不過雖然鋪頭面積唔大，不過都唔算等左好耐就入到。一入到去見到蟹膏蕃茄湯檬就即刻點左，見到牛油果沙冰覺得幾特別，同埋成日都見到啲人話牛油果🥑好健康（有助減肥xd)，所以又諗住試下。一上菜果下就好驚訝，因為真係超級多蟹膏，成碗都好足料，為成碗檬粉加添唔少鮮味！仲有個蕃茄湯都好惹味，唔係平時茶餐廳果啲罐頭蕃茄味，濃淡適中。配菜豆卜就吸收晒所有湯底的精華😋。而牛油果沙冰入口既感覺都好特別，質感好滑，飲到最後都唔會成口渣。本身想叫埋芒果糯米磁，但可惜太夜已經賣晒，唯有下次有機會再黎食！