影片
更多
2018-06-23
277 浏览
今日有個朋友外國返來，我地幾個特登話帶距去食特別嘢，結果揀左最近好興的Omakase ，餐廳位於灣仔，叫做水木。去到門口，見到一幕簾，裝修以木色為主，流水映木，安有日式風格。己經超級期待。食得Omakase, 以為一定貴到飛上天。本來已經有曬心理準備。店員好有禮貌咁帶我地埋一個角落坐低，叫咗熱茶被我哋。一睇個menu 又原來幾surprise. 二人前都係 千幾元 1 Set. 好啦，寫到戲肉。點解要推介呢。由前菜開始，已經包括兩個出面食唔到的日本魚蛋、螢光魷魚魚蛋好鮮甜重點係爽口。螢光魷魚真身原來係幾大隻，食落去好滑身。味道係有D酒績味。點少少酒盜食好夾。跟著就係茶碗蒸，哩個菜式先係真正評價日本料理師傅功夫的一道菜。個蛋竟然平滑到 glass 面，香甜滋味。功架夠曬！哩道北海道薯仔沙拉，薯仔磨蓉香軟綿綿，係幾特別的口感。以後學識薯仔沙拉原來可以變薯蓉texture , 有空氣感。Main course 刺身拼盤: 全晚最重點一盤，店員向我哋推介食刺身嘅先後次序1）左口裙邊刺身配酸，裙邊爽口而富油鮮2）深海池魚、拖羅3）赤木同埋赤貝刺身被你地睇下幾吸引。之係單單close up 無用f
去到門口，見到一幕簾，裝修以木色為主，流水映木，安有日式風格。己經超級期待。
食得Omakase, 以為一定貴到飛上天。本來已經有曬心理準備。店員好有禮貌咁帶我地埋一個角落坐低，叫咗熱茶被我哋。一睇個menu 又原來幾surprise. 二人前都係 千幾元 1 Set.
好啦，寫到戲肉。點解要推介呢。
由前菜開始，已經包括兩個出面食唔到的日本魚蛋、螢光魷魚
魚蛋好鮮甜重點係爽口。
螢光魷魚真身原來係幾大隻，食落去好滑身。味道係有D酒績味。點少少酒盜食好夾。
跟著就係茶碗蒸，哩個菜式先係真正評價日本料理師傅功夫的一道菜。個蛋竟然平滑到 glass 面，香甜滋味。功架夠曬！
哩道北海道薯仔沙拉，薯仔磨蓉香軟綿綿，係幾特別的口感。以後學識薯仔沙拉原來可以變薯蓉texture , 有空氣感。
Main course 刺身拼盤: 全晚最重點一盤，店員向我哋推介食刺身嘅先後次序
1）左口裙邊刺身配酸，裙邊爽口而富油鮮2）深海池魚、拖羅
3）赤木同埋赤貝刺身
被你地睇下幾吸引。之係單單close up 無用filter ，絕對天然。食材新鮮100%，鮮味係嘴入面爆炸。
跟著呢，開始其他主導菜，其中我最鍾意嘅北海道厚岸生蠔，超大隻，有我手掌心咁大。開頭疑惑過，啊太平洋生蠔都係大大隻但係腥，距會唔會呢？啊日本D蠔一向奶味重，點知哩個食落去好Creamy，仲有回甘。貝類來說，哩個汁煮鮑魚都好正！鮑魚好難煮，但係距煮到好入味好捻，而且上菜時看似完整的鮑魚，原來一早已經好貼心咁幫我地切左好多片👍🏻
食日本嘢，點可能唔食 Uni san. (海膽）到哩隻北海道海膽，原隻上，自己用筷子夾上來，海膽呈現橙黃色，肥美當灶，非常鮮甜。睇相睇相～
燒物呢，首先推介燒吞拿魚鮫。未見過世面的我真係唔知道魚鮫可以成個 hammer stick 咁，超大個，用手拿著的話可以當槌仔用。個魚鮫外皮燒脆，連著啖啖魚鮫肉，個口感可以形容係「魚界的北京填鴨」，大家可以睇圖意會下。
熟食有鹿兒島A4和牛串，食落去牛肉非常軟熟，牛味濃郁，一咬落牛油係肉汁中爆出來，入口即化，久違了的感覺，覺得自己好似中華一番的人物。
然後係天婦羅同埋稻庭烏冬，淨係稻庭烏東，都已經完全出面無得比！清湯掛烏東都可以做到所有內涵藏在湯裡！最後我個朋友好感動，真係非常滿足！係外國真係無哩個機會咁食海鮮。一定要推介一番！
张贴
