影片
更多
2020-03-14
92 浏览
男朋友話帶我去食好嘢，去到銅鑼灣帶咗我去SOGO隔離嘅一間日本餐廳食廚師發板，我哋去到除咗叫咗一些廚師發板之外仲加咗一啲小食，首先頭盤係三道，最印象深刻就係魚春嘅味道，食落去香甜味道特別口感都幾好第二道菜就係蘿蔔配鮮帶子，蘿蔔嘅味道配左帶子食落去嘅口感好特別而且突出左帶子嘅鮮甜第三道菜就嚟到我最期待嘅刺身部份，最正嘅一定係野生拖羅，口感同平時有啲唔同食落去雖然有一啲筯但係口感一流而且非常香滑有入口即溶嘅感覺，鰤魚嘅口感竟然係好爽口，同平時嘅刺身真係好唔同，食得出質素真係好高然後下一道菜係海葡萄配海鮮，酸酸甜甜嘅味道非常開胃然後下一度就係熱食嘅白子，平時食開都係白子壽司，但係今次師傅決定咗用熱嘅方法來烹調，食落去少咗一陣腥味多咗一陣海鮮嘅味道感覺真係好特別然後師傅就上咗一個湯，用紫蘇葉同埋海大嘅湯嚟清一清味蕾黎食下一度嘅菜式，飲落去嘅感覺好清新下一道菜式就係牛肉他他配左一個酸汁，牛肉嘅相熟程度調校得啱啱好，肉質鮮嫩香甜食得出牛肉嘅香味呢個汁煮魚頭真係令我非常之大印象，以為魚頭味道會冇乜特別，但係呢個汁調校得甜甜地，食落去既魚肉非常之嫩滑真係唔錯之後仲有個汁煮蘿蔔，蘿蔔吸左香濃嘅汁做得非常
第二道菜就係蘿蔔配鮮帶子，蘿蔔嘅味道配左帶子食落去嘅口感好特別而且突出左帶子嘅鮮甜
第三道菜就嚟到我最期待嘅刺身部份，最正嘅一定係野生拖羅，口感同平時有啲唔同食落去雖然有一啲筯但係口感一流而且非常香滑有入口即溶嘅感覺，鰤魚嘅口感竟然係好爽口，同平時嘅刺身真係好唔同，食得出質素真係好高
然後下一道菜係海葡萄配海鮮，酸酸甜甜嘅味道非常開胃
然後下一度就係熱食嘅白子，平時食開都係白子壽司，但係今次師傅決定咗用熱嘅方法來烹調，食落去少咗一陣腥味多咗一陣海鮮嘅味道感覺真係好特別
然後師傅就上咗一個湯，用紫蘇葉同埋海大嘅湯嚟清一清味蕾黎食下一度嘅菜式，飲落去嘅感覺好清新
下一道菜式就係牛肉他他配左一個酸汁，牛肉嘅相熟程度調校得啱啱好，肉質鮮嫩香甜食得出牛肉嘅香味
呢個汁煮魚頭真係令我非常之大印象，以為魚頭味道會冇乜特別，但係呢個汁調校得甜甜地，食落去既魚肉非常之嫩滑真係唔錯
之後仲有個汁煮蘿蔔，蘿蔔吸左香濃嘅汁做得非常之入味，味道幾特別
呢個係一道魚既菜式，魚皮係用炸嘅方式來烹調，食落去口感有趣，味道清淡
然後依個天婦羅菜式亦都係非常讚嘆，係黃椒配炸生蠔、多春魚同埋賴尿蝦，依幾樣嘅菜式都比較少用來做天婦羅，估唔到食落去嘅味道會係咁特別而且天婦羅嘅炸粉唔厚，口感一流
之後落嚟就係壽司嘅部份，火焰海膽壽司係令我覺得好讚嘆嘅其中一件壽司，食落去嘅海膽口感非常之濃厚，真係好正啊
最後上嘅就係天婦羅飯，原來配料係天婦羅蔬菜蝦餅同埋炸溫泉蛋，配左甜甜嘅醬汁撈埋蛋漿嚟食真係一流呀諗返起都好想再食多次依個飯
最後飲埋綠茶仲食咗個咖啡雪糕同埋牛奶布甸做結尾
张贴
