Wingman (閣麟街)

营业中

休息中

之前成日見到朋友影呢個燈牌，覺得好搞笑，一問之下原來係喺中環嘅餐廳，咁就一於今日去試吓啦。一去到就見到咁大個燈牌寫住雞翼雞煲，好似好特別咁，而且隔離枱都喺度食緊，咁就叫咗一個嚟試吓。原來佢係唔辣嘅，但係有好重嘅中藥味，而且啲雞翼煮到好林，好入味。不過佢呢種味唔係個個都接受到，如果小朋友就應該唔鍾意食，但係鍾意中藥味嘅就會好鍾意。因為朋友鍾意食辣，就揀咗呢個四個辣椒嘅雞翼。一嚟到見到已經有啲驚，估唔到食落真係好辣。食唔到辣嘅或者小朋友真係唔好叫。然後呢個蒜蓉雞翼又係好濃味，一上枱已經聞到好香。好彩佢唔辣，而且雞翼嘅皮又脆，好啱小朋友食。我認為呢間餐廳嘅雞翼普遍比較濃味，好香口適合送酒。而且好多打卡位，啱晒一大班朋友嚟影相傾吓計。下次都一定會再嚟啊。